Maður á þrítugsaldri lést eftir átök á bílastæðinu við Fjarðarkaup á Hólshrauni í Hafnarfirði seint í gærkvöldi. Lögreglan hefur handtekið fjóra vegna rannsóknar málsins.
Samkvæmt fréttatilkynningu lögreglu var tilkynnt um átökin á tólfta tímanum í gærkvöldi. Þolandi árásarinnar fannst á staðnum og var fluttur á slysadeild. Þar var hann úrskurðaður látinn skömmu síðar.
„Rannsóknin er á frumstigi og ekki verða veittar frekar upplýsingar um málið að svo stöddu,“ segir í tilkynningu frá lögreglu.
![](https://heimildin.is/media/uploads/images/thumbs/kJWSFHyC-xUf_730x1200_nYNjccZ4.jpg)
Athugasemdir