Alexander McCall Smith er einn afkastamesti og ástsælasti rithöfundur Skota. Bækur hans um Kvenspæjarastofu nr. 1 hafa verið gríðarlega vinsælar hér á landi sem annars staðar. Ég spjallaði við hann á Zoom í tilefni þess að hann verður gestur á Bókmenntahátíð í ár.

Sandy heilsar mér hlýlega og segist mjög spenntur að koma til Íslands enda mikill aðdáandi W.H. Audens sem skrifaði Letters from Iceland og var sérstakur áhugamaður um Íslendingasögurnar.

„Ég er nýkominn frá Ástralíu þar sem ég var á bókmenntahátíðinni í Adelade. Ég á tryggan lesendahóp í Ástralíu og fer reglulega þangað. En næst er það Reykjavík. Ég er búinn að vera lengi á leiðinni.“

- Þetta er mikið flandur.

„Já, ég hef alltaf ferðast mikið, en geri þó mun minna af því en fyrir faraldurinn, af augljósum ástæðum. Það varð mikil breyting á lífi mínu eins og hjá öllum og ég þurfti að endurskoða hvernig ég …