Nokkru áður en Henrý Steinn Leifsson átti að hefja kynleiðréttingarferli sagði hann systkinum sínum að hann þyrfti að segja þeim nokkuð sem þau hefðu sennilega aldrei heyrt áður og myndu líklega ekki heyra aftur: „Ég er óléttur.“ Eftir fæðinguna ákvað hann að gefa líkamanum tíma til að jafna sig en hóf ferlið þegar dóttir hans var eins árs gömul. Honum hefur aldrei liðið betur, þótt lífið sé ekki einn dans á rósum.

Sex grunnskólar

Henrý Steinn fæddist á Akureyri og ólst upp hjá móður sinni á Norðurlandi.  Hann á fjögur systkini sem eru sammæðra. Mikið rót var á fjölskyldunni, en fram að unglingsárum heimsótti hann föður sinn aðra hverja helgi: „Ég var í sex grunnskólum,“ segir hann í gegnum tölvuskjá, enda staddur fyrir norðan. „Það var pínu fúlt að ég þurfti stundum að taka námsefnið aftur ef ég þurfti að fara í nýjan skóla á miðju skólaári. Ég man …