Fram­sókn­ar­flokkur, Sam­fylk­ing, Píratar og Viðreisn er eina stjórn­ar­mynstrið sem stendur til boða í Reykja­vík, haldi allir flokkar sig við fyrri yfir­lýs­ingar um úti­lok­anir. Það er önnur staða en blasti við í gær þegar Fram­sókn­ar­flokk­ur­inn virt­ist ráða ferð­inni. 

Sam­fylk­ing, Píratar og Viðreisn hafa bund­ist böndum í þeim meiri­hluta­við­ræðum sem fram undan eru. Saman fara þessir flokkar með níu full­trúa og þurfa á tveimur til við­bótar til að mynda meiri­hluta. Sós­í­alistar, sem hafa tvo full­trúa, hafa úti­lokað sam­starf við Viðreisn og Píratar úti­lokað sam­starf við Sjálf­stæð­is­flokk­inn. Vinstri græn ætla að standa utan meiri­hluta og eini full­trúi Flokks fólks­ins dugir ekki til. Fram­sókn­ar­flokkur hefur fjóra full­trúa og er því eini kost­ur­inn fyrir gömlu meiri­hluta­flokk­anna. 

Það virð­ist þó líka vera eini val­kostur Fram­sókn­ar­flokks­ins. Með sex full­trúum Sjálf­stæð­is­flokks­ins vantar tvo upp á að mynda meiri­hluta. Eini full­trúi Flokks fólks­ins myndi ekki duga til og Sós­í­alistar hafa úti­lokað sam­starf með Sjálf­stæð­is­flokknum. Viðreisn, sem ekki …