Aukaspurningarnar eru báðar um unga karlmenn sem þið eigið að þekkja í sjón.
Hver er sá efri hér að ofan?
Og hver er sá neðri hér að neðan?
En þá eru það venjulegu spurningarnar tíu.
1. Hver var fyrsta konan sem varð forsætisráðherra í einhverju Norðurlandanna?
2. Í hvaða ríki voru svonefndir Ottómanar við völd?
3. Hvað heitir höfuðborgin í Íran?
4. Hvaða bandaríski öldungadeildarþingmaður frá Kaliforníu slóst um að verða forsetaefni Demókrata en varð að draga sig í hlé? Nú er hún hins vegar talin ein þeirra sem helst koma til álita sem varaforsetaefni Joe Bidens.
5. „Allir vildu Lilju kveðið hafa,“ er orðtak eitt hérlendis. En hver er talinn hafa kveðið Lilju?
6. Hvað heitir flugvélategundin sem tekin var úr notkun á síðasta ára eftir tvö alvarleg flugslys, og bitnaði til dæmis illa á Icelandair sem átti slíkar flugvélar?
7. Vera Menchik hét kona ein og þótti leiftursnjöll og lét heilmikið að sér kveða á sviði þar sem karlmenn einir höfðu verið í fremstu röð fram að því. Hún fæddist í Moskvu, var mjög tékkneskrar ættar en settist að í London og dó þegar hún varð fyrir V-1 eldflaugasprengju Þjóðverja 1944. Hvert var sérsvið Veru Menchik?
8. Hver hefur hlotið flest Óskarsverðlaun fyrir leik í bíómyndum vestan hafs?
9. Hversu marga syni átti Njáll Þorgeirsson, bóndi á Bergþórshvoli?
10. Hvaða þéttbýlisstaður er við Norðfjörð?
Svörin eru þessi:
1. Gro Harlem Brundtland í Noregi.
2. Tyrklandi.
3. Tehran.
4. Kamala Harris.
5. Eysteinn munkur.
6. Boeing 737 MAX.
7. Skák. Hún var fyrsti heimsmeistari kvenna.
8. Katherine Hepburn.
9. Fjóra: Skarphéðin, Grím, Helga með spúsu sinni og svo Höskuld nokkurn utan dagskrár.
10. Neskaupstaður.
Aukaspurningarnar:
Efri ungi maðurinn er Pete Best sem var fyrri trommari Bítlanna.
En neðri ungi maðurinn er Charles de Gaulle, franskur hershöfðingi og síðar forseti.
Loks er svo hægt að sjá spurningar frá í gær hér.
Spurningaþrautin
Fyrri grein
Spurningaþraut 36: Fjögur flugvélamóðurskip, tvær konur, einn staður
Næsta grein
Athugasemdir