Sextánda spurningaþrautin: Tíu spurningar og svörin eru hér fyrir neðan mynd úr þekktri teiknimynd.

Aukaspurningar tvær:

Útlínur hvaða eyju eru þetta? Tekið skal fram að hún er ekki við Ísland.

Og hvað heitir flugvélartegundin á myndinni að neðan?

Hér eru svo aðalspurningarnar tíu:

1.   Hvaða ár hófst Twitter starfsemi sína?

2.   Hvað kallast skákmennirnir sem hefja leik úti í hornunum á taflborðinu?

3.  Hvernig hafði Ringo Starr hugsað sér að þrauka?

4.  Vigdís Finnbogadóttir hafði fengist við ýmislegt áður en hún var kosin forseti. Hún sá meðal annars um kennslu í sjónvarpinu, en í hvaða fagi?

5.   Hvað hét gæflynda löggan sem Ingvar E. Sigurðsson lék í tveimur fyrstu sjónvarpsseríunum af Ófærð?

6.  Fyrir hvað er tónlistarmaðurinn David Howell Evans þekktastur?

7.   Hvað heitir leikhússtjóri Borgarleikhússins?

8.   Hversu margir Bandaríkjaforsetar hafa dáið í embætti, hvort heldur af eðlilegum ástæðum eða myrtir?

9.  Hvað hét fyrri dómsmálaráðherrann í ríkisstjórn Jóhönnu Sigurðardóttur 2009, kona sem sótt var út fyrir stjórnmálin?

10.  Hvað nefndist hertogaynjan af Sussex áður en hún varð hertogaynja af Sussex?

Þá eru þau hér þau hin tíu svör:

1.   2006.

2.   Hrókar.

3.   Með smá aðstoð frá vinum sínum. Hér er vísað til lagsins „With a Little Help From My Friends“ sem er langþekktasta lagið af þeim sárafáu sem Ringo söng með Bítlunum.

4.   Frönsku.

5.   Ásgeir.

6.   Fyrir að spila á gítar í hljómsveitinni U2.

7.   Brynhildur Guðjónsdóttir.

8.   Átta (William Henry Harrison, Zachary Taylor, Abraham Lincoln, James Garfield, William McKinley, Warren Harding, Franklin D. Roosevelt, John F. Kennedy).

9.   Ragna Árnadóttir.

10.  Megan Markle.

Aukaspurningarnar:

Eyjan er Sri Lanka.

Flugvélin er af tegundinni Boeing 747.

Næstu spurningaþraut á undan er svo einmitt hérna að finna.

En þá næstu á eftir, þá sautjándu, er hérna að finna.

En að lokum má sjá hér Sri Lanka við Indlandsstrendur.