Spurningaþraut 7: Brjálæðislegur bíll og fleira

Sjöunda spurn­inga­þrautin er með sama sniði og hingað til, tíu spurn­ingar og svörin eru hér fyrir neðan mynd­ina af konu einni.

Auka­spurn­ingar eru svo tvær: Hver er ungi karl­inn að ofan og hver er konan á neðri mynd­inni?

1.   Hvaða bíó­mynd hefur Baltasar Kormákur gert eftir glæpa­sögu eftir Arnald Ind­riða­son?

2.   Hvað hét litla geim­farið sem leið­ang­ur­inn Appollo 11. flutti til tungls­ins, þar sem það lenti svo með tvo menn inn­an­borðs 20. júlí 1969?

3.  Hvað hét lagið sem keppti fyrir Íslands hönd í Eurovision árið 2019?   

4.   Hversu há er Hekla? Skekkju­mörk eru 100 metrar í hvora átt.

5.  Koenigs­egg er nafn á rán­dýrum sport­bílum, sem eru afar sjald­séðir, enda aðeins örfáir tugir fram­leiddir af hverri týpu. Nú í byrjun mars var til dæmis kynnt týpa sem reiknað er með að kosti tæpar 450 millj­ónir þegar hún kemur á markað. Og sá bíll er svo hrað­skreiður að hann gæti spít­tað leið­ina milli Reykja­víkur og Akur­eyrar á 45 mín­útum ef veg­irnir væru nógu góðir. Þessi bíll er fram­leiddur í landi þar sem bíla­fram­leiðsla stendur á gömlum merg, en þar í landi eru bíla­smiðir þó kunn­ari fyrir að fram­leiða örugga fjöl­skyldu­bíla en svona brjál­æð­is­leg trylli­tæki. Í hvaða landi eru Kon­ungs­eggin fram­leidd?

6.  Hermann Göring var einn nán­asti sam­verka­maður Adolfs Hitlers í síð­ari heims­styrj­öld. Hann gegndi ýmsum emb­ættum en hvað er það helsta og mest áber­andi?

7.  Hver er sér­fræði­grein Ölmu Möller land­læknis í lækn­is­fræð­inni?

8.  Hvar eru heim­kynni lemúra - nokkuð nákvæm­lega?

9.  Í hvaða hljóm­sveit er Nanna Bryndís Hilm­ars­dóttir?

10. Árið 2015 var frum­sýnd banda­rísk glæpa­mynd sem Jóhann G. Jóhanns­son gerði tón­list­ina í. Þrem árum seinna var gert fram­hald mynd­ar­innar og þá brá svo við að Hildur Guðna­dóttir sá um mús­ík­ina. Hvert er hið sam­eig­in­lega heiti þess­ara mynda?

Hér eru svörin:

1.   Mýrina

2.  Eagle eða Örninn

3.  Hatrið mun sigra

4.  1.491 metra (svo rétt telst vera allt frá 1.390 til 1.591)

5.  Svíþjóð

6.  Yfir­maður flug­hers­ins Luftwaffe, flug­mála­ráð­herra

7.  Hún er doktor í svæf­inga- og gjör­gæslu­lækn­ingum - hvort tveggja telst því vera rétt

8.  Á eyj­unni Madaga­skar - svarið „í Afríku“ dugar ekki

9.  Of Monsters and Men

10.  Sicario - sú seinni ber reyndar und­ir­tit­il­inn Day of the Soldado en alveg ónauð­syn­legt er að vita það.

Þá er rétt að fram komi að karl­inn á efstu mynd­inni er vit­an­lega franski fót­bolta­mað­ur­inn Eric Cantona, sem gerði garð­inn frægan með Leeds og fleiri liðum, en konan er Nastassja Kinski sem fyrrum var nokkuð áber­andi leik­kona.

Næstu spurn­inga­þraut á undan má finna hérna. Sú næsta á eftir er hins vegar hérna.

Og til fróð­leiks og skemmt­unar, þá er hér fyrir neðan mynd af einu nýjasta Kon­ungs­egg­inu sænska, Koenigs­egg Jesko.