Auðmenn með gullklósett. Spilltir pólitíkusar. Elton John. Arabískir furstar birtast á síðustu stundu. Almenningur gerir friðsama uppreisn. Nei, við erum hér ekki að tala um Ísland rétt fyrir hrun heldur Úkraínu fyrir um sex árum. Atburðarásin minnir á heimahagana, nema á talsvert stærri skala.

Í búsáhaldabyltingunni var gerð tilraun til að endurheimta slotið á Fríkirkjuvegi 11 sem áður hafði hýst Íþrótta- og tómstundaráð borgarinnar en var nú aftur komið í hendur auðmanna sem þó áttu að heita blankir. Sú tilraun stóð ekki nema í eina kvöldstund, en fyrir utan Kænugarð í Úkraínu var það sama gert og stendur sú aðgerð fram á daginn í dag.

Þegar maður skoðar Vetrarhöllina í Pétursborg skilur maður hvers vegna bylting þótti nauðsynleg og það sama á við um Mezhyhirya-húsið þar sem Yanukovich, fyrrum Úkraínuforseti, bjó. Sá munur er þó á að á meðan rússneska byltingin átti sér stað fyrir rúmum 100 árum eru ekki …