Trans­konan Monica kom til Íslands þann 15. októ­ber síð­ast­lið­inn í gegnum flótta­manna­hjálp Sam­ein­uðu þjóð­anna. Síðan þá hefur hún verið að aðlag­ast, eign­ast vini og reynt að koma sér inn í íslenskt sam­fé­lag sem er á flestan hátt ólíkt hennar fyrra lífi. Hún talar nán­ast enga ensku en er að læra íslensku og er aðeins farin að geta tjáð sig. Við gefum henni orðið.

Pabbi minn er frá Sýrlandi en móðir mín Líbanon. Regl­urnar eru þannig í Líbanon að þú færð þjóð­erni föður þíns. Þar af leið­andi var ég aldrei með líbanskt rík­is­fang og átti aldrei mögu­leika á því að fá slíkt. Meðal ann­ars á þeim for­sendum gat ég sótt um að kom­ast í flótta­manna­að­stoð Sam­ein­uðu þjóð­anna. Trans vinir mínir voru ekki svo heppnir.