Þegar Steinar Pét­urs­son vissi að hann myndi deyja af veik­indum sínum ákvað hann að gera það á eigin for­sendum. Helst vildi hann deyja strax en fjöl­skyldan var ekki til­búin. Ekki strax. Að lokum ákvað fólkið hans þó að aðstoða hann við að fá óskir sínar upp­fylltar og fylgja honum til Sviss, þar sem dán­ar­að­stoð er leyfi­leg. Þar sat fjöl­skyldan við rúm­stokk­inn á meðan hann var að deyja, tal­aði fal­lega til hans og þakk­aði fyrir tím­ann sem hún átti með honum.  

Valdi að deyja í heimalandi hennar

Hann dó í heima­landi eig­in­kon­unnar, Sylviane Lecoultre Pét­urs­son, sem er hálf­sviss­nesk og hálf­frönsk, fædd og upp­alin í Sviss. Sem ung kona lærði hún iðju­þjálfun og upp úr tví­tugt var hana farið að dreyma um að flytja til útlanda; helst til Kanada. Það varð aldrei, en 25 ára gömul fór hún með vin­konu sinni í sól­ar­landa­ferð til Tor­remol­inos á Spáni. Þetta var sum­arið …