Öryggis­menningu okkar er ógnað

Hvers vegna tókstu að þér þessa stöðu?
Ég hóf störf nokkuð óvænt en þurfti ekki að hugsa mig lengi um. Ég hef mik­inn metnað fyrir hönd íslenskrar heil­brigð­is­þjón­ustu og Land­spít­ali er þar fremstur í stafni. Við erum að móta spít­ala­þjón­ustu fram­tíð­ar­innar einmitt þessi miss­erin og ég tel að tæki­færi sem þessi komi ekki oft á ævinni.

Hvað viltu segja við lækna sem hafa flutt úr landi til að fá betri laun og vinnu­að­stöðu? Hvers vegna ættu þeir að koma aftur og fá lægri laun fyrir lengri vinnu­tíma?
Lærið og njótið ver­unnar. Ef þið viljið taka þátt í upp­bygg­ing­ar­starfi íslenskrar heil­brigð­is­þjón­ustu og setja þannig mark ykkar á fram­tíð­ina höfum við svo sann­ar­lega not fyrir þekk­ingu ykkar og krafta.

Hversu margir læknar hafa til­kynnt að þeir séu hættir við upp­sögn eftir að lækna­verk­fall­inu lauk?
Tíu sögðu form­lega upp og hafa 8 þeirra dregið upp­sagnir sínar til baka.
Sjötíu eldri borg­arar eru nú fastir á Land­spít­al­anum og bíða eftir að kom­ast á hjúkr­un­ar­heim­ili. Komum við, sem sam­fé­lag, nógu vel fram við gamla fólkið?
Rúmlega 40 af þessum 70 dvelj­ast á Vífils­stöðum við ágætan aðbúnað, á meðan beðið er var­an­legs hjúkr­un­ar­rýmis. Um hina gildir það hins vegar að Land­spít­ali er ekki góður staður fyrir fólk sem ekki þarf á þjón­ustu hans að halda. Það á sér­stak­lega við um eldra fólk og eins og rann­sóknir sýna getur slík dvöl bein­línis verið skað­leg. Það er ekki sómi af stöð­unni eins og hún er í dag.

Hvers vegna eru bílar skyld­aðir í árlega ástands­skoðun eftir ákveð­inn aldur en ekki fólk?
Vænt­an­lega af því að fólk lýtur eigin vilja en bílar ekki.

Mætti minnka heil­brigð­is­vanda þjóð­ar­innar með því að haga borg­ar­skipu­lagi öðru­vísi en við gerum í dag?
Allt sem stuðlar að því að auð­velda fólki heil­brigða lifn­að­ar­hætti skiptir máli fyrir heil­brigði þjóð­ar­innar. Ef borg­ar­skipu­lag stuðlar að úti­vist og hreyf­ingu er það afar jákvætt, að sjálf­sögðu.

Telurðu að skatta­lækkun rík­is­stjórn­ar­innar á sykruðum mat­vælum og gos­drykkjum, ásamt hækkun ann­arra mat­væla, muni hafa ein­hver áhrif á heil­brigði þjóð­ar­innar?
Út frá lýð­heilsu­m­ark­miðum hefði ann­ars konar breyt­ing á skatt­kerf­inu verið heppi­legri. Áhrif þess­ara breyt­inga munu koma fram á lengri tíma og erfitt að spá fyrir um þau.

Hvort ertu hlynnt­ari því að leggja 61,5 millj­arða króna í bygg­ingu nýs Land­spít­ala eða í rekstur og tækja­kaup?