Ómar Logi var enn á leik­skóla­aldri þegar fór að bera á hegð­un­ar­brestum sem ein­kennd­ust af mik­illi reiði, öskur­köstum og erf­ið­leikum með svefn. Á fjórða ald­ursári var hann sendur í grein­ingu og var nið­ur­staðan sú að lík­lega væri hann með ofvirkni og athygl­is­brest, ADHD. Móður Ómars Loga, Ingi­gerði Stellu Loga­dóttur, var tjáð að sonur hennar ætti mjög lík­lega eftir að eiga erfitt upp­dráttar í skóla, bæði félags­lega og náms­lega, en sökum ungs ald­urs var ekki talið ráð­legt að fara í sér­stök með­ferð­ar­úr­ræði. 

Við upp­haf skóla­göngu átti Ómar Logi áfram erfitt upp­dráttar og ein­kennd­ist hegðun hans af mik­illi spennu, leiða og reiði. Skóla­sál­fræð­ingur var fljót­lega feng­inn til að meta stöð­una og hófst grein­ing­ar­ferli þá að nýju. Nið­ur­staða grein­ing­ar­innar gaf til kynna sterk ein­kenni um ADHD, en jafn­framt bentu nið­ur­stöður til þess að til staðar væru ein­kenni um mót­þróa­þrjóskuröskun, ODD. Lagt var til að skýrsla um nið­ur­stöður skóla­sál­fræð­ings­ins yrði lögð fyrir barna­lækni …