Þessi grein birtist upphaflega í Stundinni fyrir meira en 7 árum.
Viðtal

Ísland er ekki sjálfbært þegar kemur að fjármögnun vísinda

Unn­ur Anna Valdi­mars­dótt­ir pró­fess­or land­aði ný­ver­ið 240 millj­óna króna styrk sem ger­ir henni kleift að leggja upp í um­fangs­mikla leit að áfall­a­streitu­geninu. Þessi kraft­mikla kona er ekki bara vís­inda­mað­ur með brjál­að­ar hug­mynd­ir held­ur líka móð­ir fim­leika­stelpu, eig­in­kona einn­ar af fót­bolta­hetj­um Ís­lend­inga, bú­kona og sveita­stúlka á sumr­um, sem hef­ur var­ið stór­um hluta lífs­ins við nám og vís­inda­störf í út­lönd­um en er smátt og smátt að skjóta rót­um í vest­ur­bæ Reykja­vík­ur.

Hólmfríður Helga Sigurðardóttir
ritstjorn@heimildin.is

Þegar Unnur Anna Valdimarsdóttir, prófessor í faraldsfræði við læknadeild Háskóla Íslands, mætti til vinnu að morgni snemma í desember, eftir sína daglegu ferð í Vesturbæjarlaug, beið hennar happdrættisvinningur í tölvupósthólfinu frá Evrópska rannsóknarráðinu. Þar var henni óskað til hamingju með að hafa verið veittur 2 milljóna evra styrkur, jafnvirði 240 milljóna króna, til áframhaldandi rannsókna á erfðum heilsufars í kjölfar áfalla. Styrkurinn er sá hæsti sem ráðið veitir og kemur til með að ýta allhressilega undir rannsóknastarf sem á sér enga hliðstæðu annars staðar í heiminum, eða eins og Unnur orðar það sjálf: „Þetta breytir öllu fyrir okkur!“

Leið eins og gellunni í Flashdance

Flestir leiðandi vísindamenn í Evrópu sækja um styrk til Evrópska rannsóknaráðsins. Snemma á þessu ári bárust ráðinu um 2.300 umsóknir frá vísindamönnum frá öllu Evrópska efnahagssvæðinu. Allar umsóknirnar sem berast fóru í gegnum umfangsmikið mat og í kjölfar þess voru um 600 vísindamenn boðaðir til frekari viðtala í september síðastliðnum. Unnur var þeirra á meðal. Hún er þaulvön því að kynna niðurstöður rannsókna sinna og að tala frammi fyrir fjölda fólks. Þrátt fyrir það segist hún aldrei hafa verið eins stressuð eins og þegar hún var komin til Brussel, stóð frammi fyrir 20 manna dómnefnd og kynnti rannsóknir sínar og fyrirætlanir. „Mér leið eins og gellunni í Flashdance. Af 20 manns í panel voru líklega þrjár konur, allir hinir voru karlmenn og flestir komnir vel yfir miðjan aldur.

„Ég hef varið doktorsritgerð og gert ýmislegt sem reynir á en ég held ég hafi aldrei verið eins stressuð.“

Það var ekki mikil gleði í salnum, sem var í hárri og grárri  byggingu í Brussel. Það var móða á gluggunum, enda líklega búið að taka viðtal við tíu manns á undan mér þennan dag. Þegar ég var að ganga inn mætti ég dönskum vísindamanni sem muldraði á leiðinni út: „Þetta er búið, þetta er búið!“ Ég gekk inn með þetta í eyrunum og hitti þennan stóra panel sem var ekki beinlínis í stuði. Þar var ég með stutta 10 mínútna kynningu og svo grilluð í 20 mínútur. Ég hef varið doktorsritgerð og gert ýmislegt sem reynir á en ég held ég hafi aldrei verið eins stressuð. Þetta voru svo rosalega krefjandi og skrýtnar aðstæður. Ég fékk ekkert „feedback“ og hafði enga tilfinningu fyrir því hvernig ég stóð mig.“

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Nýtt efni

Tími jaðranna er ekki núna
ViðtalFormannaviðtöl

Tími jaðr­anna er ekki núna

Þor­gerð­ur Katrín Gunn­ars­dótt­ir er sá stjórn­mála­mað­ur sem mið­að við fylg­is­mæl­ing­ar og legu flokks­ins á hinum póli­tíska ás gæti helst lent í lyk­il­stöðu í stjórn­ar­mynd­un­ar­við­ræð­um að lokn­um þing­kosn­ing­um. Þor­gerð­ur boð­ar fækk­un ráðu­neyta, frek­ari sölu á Ís­lands­banka og sterk­ara geð­heil­brigðis­kerfi. Hún vill koma að rík­is­stjórn sem mynd­uð er út frá miðju og seg­ir nóg kom­ið af því að ólík­ir flokk­ar reyni að koma sér sam­an um stjórn lands­ins.
Engin svör borist frá Bakkavararbræðrum
Fréttir

Eng­in svör borist frá Bakka­var­ar­bræðr­um

Kjara­deilu starfs­fólks í verk­smiðju Bakka­var­ar í Bretlandi er hvergi nærri lok­ið. Sendi­nefnd á veg­um breska stétt­ar­fé­lags­ins kom ný­ver­ið til lands­ins til að ná at­hygli bræðr­anna Lýðs og Ág­ústs Guð­munds­sona og þrýsta á þá til að beita sér fyr­ir því að leysa úr kjara­deil­unni. Eng­in svör hafa borist frá bræðr­un­um og út­lit er fyr­ir að verk­falls­að­gerð­ir fé­lags­manna muni drag­ast fram yf­ir des­em­ber.
„Við mætum í vinnuna til þess að sigra“
Á vettvangi

„Við mæt­um í vinn­una til þess að sigra“

Kona sem sit­ur á bið­stofu með fleira fólki er að grein­ast með heila­æxli og það þarf að til­kynna henni það. En það er eng­inn stað­ur sem hægt er að fara með hana á, til að ræða við hana í næði. Í ann­an stað er rætt við að­stand­end­ur frammi, fyr­ir fram­an sjálfsal­ann en þá fer neyð­ar­bjall­an af stað og hama­gang­ur­inn er mik­ill þeg­ar starfs­fólk­ið hleyp­ur af stað. Í fjóra mán­uði hef­ur blaða­mað­ur ver­ið á vett­vangi bráða­mót­tök­unn­ar á Land­spít­al­an­um og fylgst með starf­inu þar.

Mest lesið undanfarið ár