Þessi grein birtist upphaflega í Stundinni fyrir meira en 9 árum.

Flúði heimabæinn eftir hópnauðgun

„Ef ofbeldismenn eru alls staðar og allskonar og það er engin leið að þekkja þá úr – hverjum áttu þá að treysta?“ spyr ráðgjafi á Stígamótum. Hún segir mikilvægt að viðurkenna vanmáttinn og beina sjónum að þeim sem bera ábyrgðina, gerendunum. Á þeim 25 árum sem liðin eru frá stofnun Stígamóta hafa um 7000 konur sagt frá 10.000 nauðgurum. Sögurnar eru ýmiss konar, eins og þessar konur segja frá.

12. júlí 2015 07:00

Ingibjörg Dögg Kjartansdóttir

ingibjorg@heimildin.is

Þegar ég var 14 ára var mér nauðgað af tveimur strákum,“ segir Hafdís Björg Randversdóttir. Strákarnir sem um ræðir voru eldri en hún, 18 og 19 ára. Þeir voru félagslega sterkir og tilheyrðu stórum vinahópi. Sjálf var hún ekki eins vinamörg auk þess sem hún var að stíga sín fyrstu skref inn í skemmtanalífið. Þetta kvöld var á meðal þeirra fyrstu sem hún drakk áfengi. Hún fór í partý með vinkonum sínum og strák sem hún var að hitta á þessum tíma. Þegar leið á kvöldið þurfti deitið hennar að fara en hún hélt áfram að skemmta sér og var orðin drukkin undir lok kvölds. „Þegar partýinu lauk söfnuðust allir saman fyrir utan, þar á meðal ég og vinkona mín. Þá komu þessir strákar og fóru að tala við mig. Þeir reyndu að fá mig með sér í annað partý og þegar vinkona mín fór inn til að sækja úlpuna sína drógu þeir mig með sér og sögðu að að hún kæmi á eftir. Auðvitað trúði ég því.

Á leiðinni reyndu þeir að fá mig til að drekka meira og gáfu mér bjór sem ég drakk. Þeir sögðust þurfa að koma við heima hjá sér til að ná í eitthvað og fara á klósettið. Vinkona mín hringdi í símann minn en annar strákurinn tók símann og slökkti á honum. Ég man eftir að hafa farið með þeim inn í húsið en restin er í móðu. Þeir riðu mér í öll göt og ég gat ekkert gert. Ég man hversu sárt það var, enda var ég hrein mey.“ Hafdís segist enn muna hræðsluna sem heltók hana, sér hafi liðið eins og hún væri lömuð.

Ásakaði sjálfa sig

„Ég man að þegar þeir voru búnir settust þeir í sófann í herberginu og hlógu, sögðu mér að klæða mig, hentu í mig símanum og vísuðu mér út. Áfram fóru þeir svo í þetta partý.“

Þegar hún var komin út úr húsinu hringdi hún í vinkonu sína sem kom og fylgdi henni heim. Næstu daga á eftir var hún í áfalli og man lítið sem ekkert frá þeim tíma. „Vinkona mín hvatti mig til þess að fara niður á lögreglustöð og kæra, eða tala um þetta við einhvern en ég var full af sektarkennd og fannst eins og þetta væri mér að kenna. Þannig að við töluðum ekki um þetta meir.“

Skömmin var hrikaleg. Ég þorði ekki fyrir mitt litla líf að segja frá þessu og í raun fannst mér þetta vera mín sök, því ég fór jú með þeim inn í húsið, ofurölvi og hefði átt að vita betur. Þegar ég var síðar spurð að því hvort ég hefði farið heim með þeim þá svaraði ég því játandi, því ekki vildi ég vera þessi dauðadrukkna týpa sem léti nauðga sér.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Kynferðisbrot

ViðtalKynferðisbrot

Hrapa í stöðu skrímslisins

„Þegar mál hans kvisaðist út og það var á allra vitorði að hann hefði beitt maka sinn kynferðislegu ofbeldi þá upplifði hann hvernig skrímslið tók yfir hann og allt hans daglega líf,“ segir Katrín Ólafsdóttir, doktor í gagnrýnum fræðum, um einn af gerendunum sem hún ræddi við fyrir doktorsrannsókn sína um ofbeldi í nánum samböndum.

GreiningKynferðisbrot

Menn sem eru sakaðir um ofbeldi krafðir svara

Gerandinn sagði af sér, honum var vikið frá störfum, hann steig til hliðar, honum var hafnað um ábyrgðarstöður, hann var ekki valinn í landsliðsverkefni, hann var bókaður úr verkefnum. Allt eru þetta vísbendingar um að ódæmigert réttlæti sé að ryðja sér til rúms í kynferðisbrotamálum.

ÞekkingKynferðisbrot

„Endaði með því að ég þurfti að hugga hann“

„Hann gerði lítið úr þessu, þetta hafi verið kynlíf,“ sagði einn þolandi kynferðisofbeldis um það þegar viðkomandi ræddi ofbeldið við gerandann. „Honum fannst það sem gerðist sjálfsagt,“ sagði annar þolandi um svipaðar aðstæður.

FréttirKynferðisbrot

Aðeins 90 af tæplega 5.000 ofbeldismönnum hlutu dóm

Aðeins 10% þeirra sem beittu skjólstæðinga Stígamóta, sem leituðu til samtakanna á árunum 2013 til 2021, kynferðislegu ofbeldi voru kærðir til lögreglu. Enn minni hluti, 90 af 4.968, hlaut dóm fyrir ofbeldið.

Viðtal

„Strákar sem mér hefði aldrei dottið í hug að væru að stunda þetta“

Kristbjörg Mekkín Helgadóttir varð fyrir stafrænu kynferðisofbeldi nýbyrjuð í menntaskóla. Hún fékk ábendingu frá vini sínum að mynd sem hún hafði aðeins ætlað kærasta sínum væri komin í dreifingu. Frá þeirri stundu hefur Kristbjörg fylgst með síðum þar sem slíkar myndir fara í dreifingu, látið þolendur vita og hvatt þá til að hafa samband við lögregluna, en þeir sem dreifi þeim séu bara „strákar úti í bæ“.

FréttirKynferðisbrot

Segist hafa fengið „gríðarlegan stuðning“ eftir sýknudóminn

Maður á sextugsaldri sem játaði að hafa strokið þroskaskertri konu með kynferðislegum hætti og látið hana snerta lim sinn utan klæða var sýknaður í Héraðsdómi Suðurlands árið 2017. Hann er ánægður með meðferðina sem hann fékk í íslensku réttarkerfi. „Ég var í sambandi við móður stúlkunnar meðan á þessu stóð og þau buðu mér heim í kaffi,“ segir hann.