Norski stærðfræðingurinn, félagsfræðingurinn og faðir hinna svokölluðu friðarfræða, Johan Galtung, kom á dögunum til landsins og hélt hér erindi. Á löngum ferli sínum hefur Johan verið einn helsti milligöngumaður í friðarviðræðum stríðandi fylkinga víða um heim, á sama tíma og hann hefur sinnt fræðistörfum í greininni. Johan tók sér tíma þegar hann var á landinu og settist niður með blaðamanni og fór yfir líf sitt og stöðuna í heimsmálunum.
„Þetta hófst allt með hernámi þjóðverja í Noregi.“ Eina kalda nótt í febrúar vaknaði 12 ára gamall Johan við það að Gestapó, leynilögregla nasista, mætti heim til Galtung fjölskyldunnar og handtók faðir hans og fór með í fangabúðir. Eftir stóðu Johan og móðir hans tvö ein. Faðir hans var handtekinn í umfangsmiklum aðgerðum nasista til þess að útrýma þeim sem þeir töldu vera að vinna með anspyrnunni og við að veita englendingum upplýsingar, en þeir stunduðu loftárásir á Noreg á þessum tíma. „Á hverjum morgni gátum við búist við fyrirsögninni „Dr. Galtung tekinn af lífi sem svar við hroðaverkum englendinga.““
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir