Þessi færsla er meira en 3 ára gömul.
Sjarmatröllin
Höfundar: Guðrún Ebba Ólafsdóttir og Kristín I. Pálsdóttir
Til sjarmatrölla teljast þau sem leyfist meira en venjulegu fólki af því að þau er sjarmerandi, skemmtileg, óútreiknanleg og, það sem mestu máli skiptir, eru með völd.
Til hagræðingar skulum við tala um sjarmatröll í karlkyni fleirtölu. Þau fyrirfinnast vissulega í kvenkyni en ekki í sama mæli, konur hafa nefnilega ekki sama svigrúm í samfélaginu til að taka sér jafn mikið pláss og sjarmatröllin. Þau eru í fjölskyldum, vinahópum, á vinnustöðum og opinberum vettvangi.
Sjarmatröllin eru yfirleitt sjálfselsk, eða sjálfsdýrkendur, allt snýst um þá og þeirra réttindi – sem eru auðvitað miklu meiri en okkar hinna. Þeir krefjast athygli, virðingar, aðdáunar og skilyrðislausrar fyrirgefningar án þess að sýna iðrun. Ef ekki verða þeir móðgaðir, reiðir, sárir og mikil fórnarlömb. Þeir sýna skaðlega framkomu, svíkja, baktala og hóta. Margir þeirra beita andlegu ofbeldi og sumir einnig líkamlegu.
Að ofansögðu mætti ætla að þessir karlar kæmust ekki langt, við myndum segja við þá; „Nei góði minn, hingað og ekki lengra“. Af hverju gerum við það ekki? Af hverju verða svo miklu fleiri reið, móðguð og sár fyrir þeirra hönd en ekki þeirra sem verða fyrir barðinu á þeim? Af hverju fá þessir tröllkarlar að beygja viðmið um viðeigandi hegðun? Af hverju finnst fólki þeir fyndnir, eldklárir, meistarar, hetjur, snillingar og síðast en ekki síst forsetaefni? Svarið er einfalt. Þeir hafa völdin og þau færa þeim titilinn sjarmatröll.
Við eigum orð yfir þessa hegðun sem styður við bakið á tröllunum, afsakar þá og tryggir þeim áframhaldandi völd. Orðið er „gerendameðvirkni“. Mörgum finnst að sjarmi tröllanna veiti undanþágu frá reglum samfélagsins. Það má ekki tala um að þeir misbeiti völdum sínum, ætlist til sérmeðferðar og undanþága frá reglum samfélagsins.
Sjarmatröllin eru svo sjarmerandi, þeim er fyrirgefið allt og þöggun ríkir um skaðlega framkomu þeirra.
Þegar við veitum slíkar undanþágur frá skráðum sem óskráðum reglum samfélagsins verðum við jafnframt samsek í þeim skaða sem sjarmatröllin valda, bæði opinberlega og í einkalífi. Þagnarmúrinn um bandarískan kvikmyndamógúl og sjarmatröll brast einmitt með miklum hvelli þegar #Metoo-byltingunni var hrundið af stað.
Fleiri færslur frá höfundi
Réttlætið og reynsla kvenna af Varpholti/Laugalandi
Rótin hefur fylgst vel með hugrakkri baráttu kvenna sem dvöldu í Varpholti/Laugalandi og reynt að styðja þær eftir föngum. Mánudaginn 14. nóvember stóðum við að umræðukvöld með þeim þar sem þær Gígja Skúladóttir og Íris Ósk Friðriksdóttir, sem báðar dvöldu á Varpholti/Laugalandi, höfðu framsögu. Fundurinn var tekinn upp og er aðgengilegur hér. Ég hélt þar erindi sem ég hef...
Úrsögn úr Ferðafélagi Íslands
Eftirfarandi bréf sendi ég á Ferðafélag Íslands í dag þar sem ég segi mig úr félaginu og greini frá ástæðum þess: Eftirfarandi eru mínar hugleiðingar í kjölfar félagsfundar hinn 27. október þar sem ég geri grein fyrir ástæðum þess að ég óska nú eftir úrsögn úr Ferðafélagi Íslands. Verkefni félagasamtaka Markmið allra félagasamtaka (e. non-profit organizations) er að vinna að...
Vantrauststillaga á stjórn Ferðafélags Íslands
Á morgun, fimmtudag 27. október er haldinn félagsfundur í Ferðafélagi Íslands þar sem ræða á stöðu félagsins. Ég hef átt í bréfaskiptum við núverandi forseta eftir að ég sendi þeim spurningar sem ég óskaði svara við, mest er varða áreitnis- og ofbeldismál og úrvinnslu þeirra innan félagsins. Þau kusu að boða mig á fund í stað þess að svara...
Norðursíld '83
Verbúðin hefur vakið upp minningar margra um verbúðarlíf og stemninguna í samfélaginu á níunda áratugnum. Sjálfsagt ekki síst hjá minni kynslóð sem var að komast til mans eða manns á þessum árum. Ég hef ekki farið varhluta af innrás minninga af verbúðarlífi en ég náði því að salta síld á vertíð á Seyðisfirði árið 1983, eða 1982? Við Dögg vinkona...
Athugasemdir