Trump freistar þess að stöðva „bláu bylgjuna“

Repúblikanar lögðu í dag loka­hönd á bar­áttu sína fyrir þing­kosn­ing­arnar í Banda­ríkj­unum til að afstýra þeim mikla ósigri sem þeim er spáð. Demókratar sækj­ast eftir meiri­hluta á þingi og vilja þannig í fyrsta sinn setja skorður við for­dæma­lausri ásókn Donalds Trump for­seta í aukin völd.

Kannanir benda til þess að demókratar séu nán­ast öruggir um að ná meiri­hluta af repúblikönum í full­trúa­deild­inni í kosn­ing­unum á þriðju­dag. Þeir eiga einnig mögu­leika á að ná meiri­hluta í öld­unga­deild­inni.

En eftir ára­tug þar sem Trump hefur hvað eftir annað farið fram úr póli­tískum vænt­ingum og tvö ár af öðru for­seta­tíma­bili hans, þar sem hann hefur virt allar venjur að vettugi, eru demókratar enn óör­uggir.

„Ég er svo bjart­sýnn að mér verður óglatt,“ sagði Raphael Warnock, öld­unga­deild­ar­þing­maður demókrata, við CNN um stemn­ing­una.

Óöryggið jókst í dag vegna harð­vít­ugra deilna innan flokks­ins í Michigan, einu af lyk­il­ríkjum kosn­ing­anna. Þar sner­ist …