Kortavelta erlenda ferðamanna síðastliðinn föstudag var 23 prósent af því sem hún nam á sama degi í fyrra. Veltan hefur dregist skarpt saman í marsmánuði en fyrstu daga hans var hún allt að 90 prósent af því sem hún var á sama degi árið 2019. Frá 12. mars hefur hún dregist saman dag frá degi og var 20. mars, líkt og áður sagði, 23 prósent af því sem hún var þann dag á síðasta ári.
Þetta kemur fram í tilkynningu frá rannsóknarsetri verslunarinnar. Þar segir að erfiðara sé að meta hvaða áhrif yfirstandandi ástand, sem er tilkomið vegna efnahagslegra áhrifa af útbreiðslu veirunnar sem veldur COVID-19 sjúkdómnum, hafi á innlenda kortaveltu Íslendinga. „Í annarri viku mars var veltan 82 prósent af veltu síðasta árs. En á þeim tíma féllu inn dagarnir þar sem samkomubann var kynnt. Velta í dagvöruverslun var ríflega tvöfalt meiri dagana 12. og 13. mars en sömu daga í fyrra en þá daga fjölluðu fjölmiðlar um að landinn væri að hamstra mat.“
[adspot]Ýmsar tölur hafa birst undanfarna daga sem gefa til kynna hver efnahagsleg áhrif af faraldrinum séu, að minnsta kosti til skamms tíma. Í kynningu stjórnvalda á viðspyrnu fyrir efnahagslífið, sem fram fór í Hörpu á laugardag, kom fram að 75 prósent færri farþegar hefðu farið um Keflavíkurflugvöll í lok síðustu viku en sama dag í fyrra, og þær tölur ríma ágætlega við samdrátt í kortaveltu.
Þá greindi Icelandair frá því í tilkynningu í gær að félagið væri einungis að fljúga 14 prósent af flugáætlun sinni. Búist er við því að farþegaflug til landsins muni að mestu eða jafnvel öllu leyti á næstu dögum eða vikum.
Bjarni Benediktsson, fjármála- og efnahagsráðherra, greindi frá því í viðtali á RÚV í gær, að samkvæmt sviðsmyndum sem unnið væri með, og væru í stanslausri uppfærslum liti út fyrir að Ísland gæti verið á leið í svipaða niðursveiflu og eftir bankahrunið, eða sex til sjö prósent samdrátt.
Þá benda sviðsmyndir stjórnvalda til þess að atvinnuleysi verði að meðaltali um átta prósent yfir helsta kúfinn, sem þýðir að toppurinn verður hærri en það. Meðaltalið verður því í kringum 15 þúsund manns.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir