Umdeild olíuvinnsluleyfi ógild vegna loftslagsáhrifa

Hæsti­réttur Noregs úrskurð­aði í dag að þrjú leyfi sem stjórn­völd veittu til olíu­vinnslu í Norð­ur­sjó væru ógild þar sem ekki hefði verið tekið nægi­legt til­lit til áhrifa þeirra á losun gróð­ur­húsa­loft­teg­unda.

Dóm­stóll­inn féllst á rök lofts­lags­vernd­ar­sinna sem höfðu dregið gildi leyf­anna í efa. Þeir héldu því fram að í mati á umhverf­is­á­hrifum hefði ekki verið tekið til­lit til los­unar við bruna olí­unnar eftir að hún væri unnin.

Lofts­lags­vernd­ar­sinn­arnir höfðu áður haft sigur í málum fyrir tveimur dóm­stólum á lægra dóm­stigi.

Hæsti­réttur úrskurð­aði að áætl­anir um vinnslu og stækkun væru „ógildar vegna ann­marka á máls­með­ferð“. Dóm­stóll­inn benti á að þótt losun hefði verið metin hefði matið aðeins náð til svo­kall­aðrar los­unar við vinnslu, en ekki þeirrar „los­unar við bruna“ sem kæmi síðar.

Að sögn dóm­stóls­ins verður „losun við bruna sem hlýst af olíu­vinnslu að sæta mati á umhverf­is­á­hrifum“ áður en áætlun er sam­þykkt.

Hæsti­réttur fjall­aði …