IKEA byggir 36 íbúða blokk fyrir starfsfólk sitt

Leiga á ódýr­ustu íbúð­unum verður undir 100 þús­und krónum á mán­uði. Starfs­fólki COSTCO og náms­mönnum býðst líka að flytja í blokk­ina. Hús­næð­is­mál starfs­manna eru mál atvinnu­rek­enda, segir fram­kvæmda­stjóri IKEA

Verslun IKEA í Garðabæ.
Verslun IKEA í Garðabæ. Mynd: kjarninn_myndir

Hús­gagna­versl­unin IKEA ætlar að byggja 36 íbúða blokk í Urriða­holti í Garðabæ sem verður meðal ann­ars hugsuð fyrir starfs­fólk fyr­ir­tæk­is­ins en einnig kemur til greina að leigja starfs­fólki COSTCO og náms­mönnum. Leigu­verð minnstu íbúð­anna verður undir 100 þús­und krónum á mán­uði. Ástæða þess að IKEA ræðst í bygg­ingu blokk­ar­innar er meðal ann­ars sú að halda í gott starfs­fólk fyr­ir­tæk­is­ins og mæta bráða­vanda þess fyrir hús­næði. Blokkin verður fyrsta svans­vott­aða íbúð­ar­hús­næðið á Íslandi. Þetta kemur fram í til­kynn­ingu frá Íbúða­lána­sjóði.

Þórarinn Ævarsson, fram­kvæmda­stjóri IKEA, sagði frá verk­efn­inu á nýaf­stöðnu mál­þingi Íbúða­lána­sjóðs um bygg­ingu hag­kvæmra íbúða. Hann segir hús­næð­is­mál starfs­fólks líka vera mál atvinnu­rek­enda. „Fram­tíð­ar­víg­völlur fyr­ir­tækja í fram­línu­rekstri, t.a.m smá­sölu­fyr­ir­tækja, verður um hæft starfs­fólk. Sá sem nær til sín og heldur hæf­asta starfs­fólk­inu stendur uppi sem sig­ur­veg­ari. Við höfum ítrekað orðið fyrir því að hæft starfs­fólk hefur látið af störfum hjá okkur vegna vanda­mála sem tengj­ast hús­næði á einn eða annan hátt,“ sagði Þórarinn meðal ann­ars í erindi sínu. „Fólk hefur hætt hjá okkur af því að það hefur þurft að flytja og endað á stað þar sem það nær ekki lengur strætó í vinn­una. Ef manni er annt um starfs­fólkið sitt þá vill maður aðstoða það á þessum erf­iða hús­næð­is­mark­aði.“

Í til­kynn­ingu Íbúða­lána­sjóðs segir að starfs­fólk fyr­ir­tæk­is­ins sé um 350 manns og að því muni fjölga í 450 á næstu árum. Þórarinn sagði á mál­þing­inu að hátt hlut­fall starfs­fólks­ins vera ungt fólk eða inn­flytj­endur og væru margir á hrak­hólum varð­andi hús­næði. „Þrátt fyrir að við greiðum ágætis laun, þá verður seint hægt að tala um að almennir starfs­menn í smá­sölu­verslun séu í efri tekju­mörkum. Það þýðir að stór hluti starfs­manna IKEA ver allt of stórum hluta ráð­stöf­un­ar­tekna sinna í hús­næði sem oft og tíðum er í lélegum gæða­flokki.“ Hann sagði að heppi­legt hús­næði, á góðu verði, í göngu­fjar­lægð við vinnu­stað, nauð­syn­lega þjón­ustu og fal­lega nátt­úru væri að mati IKEA mjög verð­mætt til að laða að starfs­fólk. „Ef það að byggja upp og reka leigu­hús­næði fyrir starfs­fólk er mögu­legt án þess að vinnu­veit­andi beri af því þungar byrðar, þá getur þetta í raun verið álit­legur kostur.“

Í til­kynn­ing­unni segir enn fremur að upp­haf­lega hafi verið reynt að byggja mjög ódýrar íbúðir en af ýmsum ástæðum hafi það ekki tek­ist. T.a.m. var bygg­ing­ar­lóðin dýr, vinnan við svans­vott­un­ina hækk­aði bygg­ing­ar­kostn­að­inn tölu­vert, auk þess sem ákveðið var að spara ekk­ert til hvað varð­aði gæði hönn­unar og efnis. Þórarinn nefndi í fram­sögu sinni að einnig bygg­ing­ar­reglu­gerðin hafi verið til ama. „Þó svo að því sé haldið fram að bygg­ing­ar­reglu­gerðin komi til móts við þá sem eru að byggja minni íbúðir, þá höfum við rek­ist á það að það er enn þónokkuð í land.“ Sem dæmi um íþyngj­andi kröfu nefndi Þórarinn að bað­her­bergi þurfa að vera 5 fm í 25 fm íbúð og að krafa um stærð svala taki ekki til­lit til smæðar íbúða og hversu fáir séu lík­legir til að vera í hverri íbúð, komi til elds­voða.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár