Fordæmalaus neyð: Hundruð milljóna gætu lent á vergangi vegna loftslagsvanda

Um þessar mundir eru fimm ár frá því að Flótta­manna­stofnun Sam­ein­uðu þjóð­anna sendi frá sér skýrslu þar sem greint var frá því að fjöldi þeirra sem voru á flótta vegna átaka í heim­inum hefði farið yfir fimm­tíu millj­ónir í fyrsta skipti síðan í síð­ari heims­styrj­öld­inni. Fjallað var um þetta á for­síðum flestra fjöl­miðla næstu daga. Á næstu ára­tugum er talið að fimm sinnum fleiri neyð­ist til að flýja heim­ili sín og þá vegna ham­fara­hlýn­unar af manna völdum, eða um 250 millj­ónir manna. Tölur um fjölda eru þó nokkuð á reiki en sér­fræð­ingar víða um heim eru sam­mála um að ekki færri en 250 millj­ónir verði á flótta, sumir hafa spáð því að 150 millj­ónir manna verði á flótta og enn aðrir sagt að allt upp í einn millj­arður manna þurfi að flýja heim­ili sín vegna hnatt­rænnar hlýn­unar. Öll eru þó sam­mála um að framundan sé neyð af stærð­argráðu sem aldrei …