Engilbert Sigurðsson, geðlæknir og prófessor í geðlæknisfræði, segir áríðandi að fólk undirbúi þriðja æviskeiðið svokallaða, þegar það lætur af störfum vegna aldurs. Hann segir helstu áskoranir vera einmanaleika og vanvirkni og því mikilvægt að fólk finni sér eitthvað að gera, virki tengsl og komi sér upp rútínu, félagslegi þátturinn sé flestum mjög mikilvægur þegar daglegum vinnutengdum samskiptum lýkur. Heilsa og ættarsaga um heilsubrest eru einnig þættir sem eðlilegt er að horfa til þegar starfslok nálgast. Víndrykkja hefur aukist hvað mest hjá þessum aldurshópi, eins og fram kom í leiðara Engilberts í marstölublaði Læknablaðsins og segir hann að henni fylgi vandamál, bæði félagsleg og heilsufarsleg og sé áskorun fyrir heilbrigðiskerfið. 

Áfengisneysla er stöðugt að aukast meðal eldra fólks

Aðspurður segir Engilbert að einmanaleikinn og að finna sér eitthvað að gera frá degi til dags séu aðkallandi þættir sem fólk á þessu skeiði standi gjarnan frammi fyrir. Félagsleg einangrun fylgir oft efri …