Á Facebook má sjá vídeó þar sem Aqqalukkuluk ávarpar þann sem horfir, greinir mál og miðlar vit­neskju. Þannig fann blaða­maður hann eftir að hafa horft og hlustað á áhrifa­ríka grein­ingu á því að í umfjöllun fjöl­miðla um Grænland sé verið að end­ur­óma ein­tóna narra­tívu; sagan sé flókn­ari en svo. 

Þegar Aqqalukkuluk, þriggja barna faðir, þjón­ustu­stjóri hjá upp­lýs­inga­tækni­fyr­ir­tæki og ætt­aður frá Sisimiut, er spurður hvað knýi hann til að tjá grein­ingar sínar á Facebook berst í tal færslan sem vakið hafði athygli blaða­manns.

 „Fyrst og fremst finnst mér eins og græn­lenska frá­sögnin sé ekki sögð. Danskir fjöl­miðlar virð­ast ætla að segja hana fyrir okkur og mis­tekst það. Þegar maður horfir á stöð­una og á danska fjöl­miðla, eins og TV2 News og Jyllands-Posten, þá eru þeir með þema sem kall­ast Kampen om Grøn­lands fremtid – bar­áttan um fram­tíð Græn­lands.

En þetta snýst ekki bara um fram­tíð Græn­lands. Því þegar land …