„Klukkan er 8 á Íslandi. For­set­inn okkar segir að við ætlum að eign­ast landið hvort eð er þannig að við getum gert und­an­tekn­ingu.“ Þetta sagði sér­fræð­ingur hjá banda­rískri íþrótt­arás í vik­unni þegar rætt var um að leik­maður ann­ars körfu­boltaliðs­ins sem var að spila hefði ekki drukkið vatn síðan fyrir sól­ar­upp­rás því hann fastaði vegna rama­dan. Ummælin vöktu mikla athygli á sam­fé­lags­miðlum þar sem margir bentu á að þarna hefði íþrótta­sér­fræð­ing­ur­inn rugl­ast á Íslandi og Græn­landi. Nýaf­staðnar þing­kosn­ingar í Græn­landi fóru fram í skugga þess að Donald Trump, for­seti Banda­ríkj­anna, sagð­ist nýverið ætla að ná yfir­ráðum yfir Græn­landi „með einum eða öðrum hætti“.

Þetta er raunar ekki í fyrsta skipti sem Trump lýsir yfir vilja til að Banda­ríkin eign­ist Grænland en eftir að hann ræddi þessa hug­mynd opin­ber­lega árið 2019, á hans fyrra kjör­tíma­bili sem for­seti, sagði for­sæt­is­ráð­herra Dan­merkur ein­fald­lega að Grænland væri ekki til sölu. Trump hefur sagt Grænland vera …