Ólík öfl takast á innan Sjálfstæðisflokksins þegar kemur að formannskosningunum sem fram fara næsta sunnudag. Flokkurinn stendur á tímamótum eftir að hafa fengið undir tuttugu prósent í síðustu kosningum, sem er lægsta fylgið frá upphafi. Sjálfstæðisflokkurinn er líka utan ríkisstjórnar, sem er sjaldgæft í íslenskum stjórnmálum.
Formannsefnin eru bæði frambærileg, og söguleg þegar kemur að forystu flokksins, en báðir frambjóðendur eru konur. Annars vegar býður Áslaug Arna Sigurbjörnsdóttir sig fram, sem er lýst sem metnaðarfullri manneskju sem fyllir fólk andagift úr ræðustólnum. Hún varð ritari Sjálfstæðisflokksins 25 ára gömul og var orðin dómsmálaráðherra fyrir þrítugt, eða 29 ára gömul.
Hins vegar er það Guðrún Hafsteinsdóttir, sem er þaulreynd úr atvinnulífinu og nýtur mikillar virðingar á því sviði. Hún fékk fyrirtæki fjölskyldu sinnar, Kjörís, í fangið aðeins 23 ára gömul. Það hefur vaxið samhliða Guðrúnu og orðið eitt farsælasta fyrirtæki landsins. Hún var dómsmálaráðherra frá árinu 2023 til 2024.
…
Hún nánast flaðraði upp um fjarverandi formanninn í beinni, kannski vorkunn enda var hún þá enn að bíða eftir að honum þóknaðist að skipta henni inná fyrir Jón Gunnarsson í dómsmálaráðuneytinu.
Ekki laust við að manni yrði hálf flökurt að horfa upp á þetta.
Einhverra hluta kom þetta upp í hugann við að sjá og heyra framkomu JD Vance þegar hann og D. tRump urðu sér til ævarandi skammar í svokölluðu samtali við forseta Úkraínu, Volodymyr Zelenskyy.
Lágkúran var algjör, þarna flaðraði JD Vance upp um Trump eins og púðluhundur sem vonast eftir klóri og klappi eða hundanamminu sínu.
En aftur að Sjálfstæðisflokknum; hversu illa er komið fyrir þeim söfnuði þegar manneskja eins og frú Hafsteinsdóttir er talin hafa raunverulega möguleika á sigri i formannskjöri flokksins ?