Það er aðeins eitt orð sem ekki má nota á bráða­mót­tök­unni og sér­stak­lega ef það er notað í spurn­ar­formi: Rólegt. Starfs­fólkið talar um „r-orðið“ og notkun á þessu orði er í raun tákn­mynd um það óvænta – áminn­ing um að á bráða­mót­tök­unni getur ástandið breyst á mjög skömmum tíma. Og þegar það ger­ist eru neyð­ar­stæðin mik­il­væg­asta svæðið á bráða­mót­tök­unni. 

Byrjaði óvenju rólega

Það er helgi og það er nótt. Jón Ragnar Jónsson bráða­læknir er sér­fræð­ing­ur­inn á vakt­inni og það hefur verið lítið að gera þrátt fyrir að það sé helgi og nótt. „Þetta eru svo óvenju­legar næt­ur­vaktir – bæði núna í kvöld, laug­ar­dag, og í gær, föstu­dag. Venju­lega er mun meira að gera. Mun meira um djamm, mun meira um ölvun, lík­ams­árásir, vanda­mál tengd fíkni­efnum og svo­leiðis. Þetta er nátt­úr­lega bara svo­lítið sveiflu­kennt. En ég man ekki eftir helg­ar­næt­ur­vöktum sem hafa verið svona rólegar eins og núna. Við erum einum …