Sós­í­alista­flokkur Íslands, Vinstri græn, Píratar, Flokkur fólks­ins og Sam­fylk­ingin eru byrjuð í form­legum meiri­hluta­við­ræðum að því er fram kemur í til­kynn­ingu frá flokk­unum. Yfir­lýs­ingin er örstutt og segir í fyr­ir­sögn að fimm flokkar hygg­ist hefja form­legar við­ræður um sam­starf á félags­legum grunni.

Svo segir orð­rétt: „Markmið okkar er að setja vel­ferð og lífs­kjör allra Reyk­vík­inga í for­grunn. Við ætlum að vanda vel til verka og munum upp­lýsa um gang mála eftir því sem vinnan þró­ast.“

Meiri­hlut­inn sprakk fyrir helgi þegar borg­ar­stjóri Reykja­víkur og odd­viti Fram­sókn­ar­flokks­ins, Einar Þor­steins­son, til­kynnti um slit á meiri­hluta eftir fund með odd­vitum Pírata, Sam­fylk­ingar og Við­reisnar. Síðan þá hafa flokk­arnir reynt að tala sig saman með mis­jöfnum árangri, en um tíma var stefnt á að hefja við­ræður á milli Flokks fólks­ins, Við­reisnar, Fram­sóknar og Sjálf­stæð­is­flokks. Þeim var snar­lega slitið eftir að Inga Sæland, for­maður Flokks fólks­ins, sagð­ist aldrei vilja leiða Sjálf­stæð­is­menn til valda og bar fyrir sig aðgangs­harða gagn­rýni flokks­ins og Morg­un­blaðs­ins vegna styrkja­máls­ins svo­kall­aða.