Leiðtogakappræður Heimildarinnar fóru fram fyrir fullum sal áhorfenda í Tjarnarbíó í gærkvöldi. Fulltrúar þeirra níu framboða sem mælst hafa með yfir 2,5 prósenta fylgi á landsvísu í kosningaspá Heimildarinnar og dr. Baldurs Héðinssonar tóku þátt. 

Kvöldið hófst á umræðu um efnahagsmál, fulltrúar stjórnarflokkanna voru spurðir að því af hverju ekki hefði tekist betur að ná böndum á verðbólgu og hefja vaxtalækkunarferli Seðlabankans en raun ber vitni. 

Allir flokkarnir sem ráðið hafa landinu undanfarin 7 ár sendu varaformenn sína í leiðtogakappræður Heimildarinnar og tóku þau Þórdís Kolbrún R. Gylfadóttir, Lilja Alfreðsdóttir og Guðmundur Ingi Guðbrandsson öll til varna fyrir verk ríkisstjórnanna sem Katrín Jakobsdóttir og Bjarni Benediktsson hafa leitt undanfarin ár. 

Mynd: Golli

Þórdís Kolbrún utanríkisráðherra lét þess getið að mikilvægt væri að halda því til haga að áföll hefðu dunið yfir undanfarin ár. Ríkið hefði til dæmis þurft að létta undir með einkageiranum í heimsfaraldrinum og bregðast við vegna Grindavíkur. …