Einn af óteljandi möguleikum til að fara í óvissuferð er Laugavegurinn frá mótunum við Hlemm, þaðan sem eiginleg verslunargata hefst, og að mótum Barónsstígs og Laugavegs. Á þessum stutta spotta leynast fjölmargir spennandi áningarstaðir, bæði nýir og gamlir. Hér er stiklað á nokkrum:

Fersk hráefni og taílensk vín

Tilvalið er að hefja gott kvöld á Ban Thai á Laugavegi 130 en staðurinn hefur oftar en einu sinni verið kosinn besti taílenski veitingastaðurinn á Íslandi – af The Reykjavik Grapevine.  

Á heimasíðu staðarins má lesa að hann hefur starfað og boðið upp á ekta taílenskan mat í 33 ár: „... alveg eins og hann er í Taílandi.“

Að mati menningarvitans er maturinn á Ban Thai brjálæðislega góður. Þar er einnig boðið upp á Singha-bjór og m.a. taílenskt vín og viskí.

Á síðu staðarins kemur einnig fram að maturinn er létt eldaður úr ferskum hráefnum til að halda upprunalegu …