Umsóknir um vernd á Íslandi drógust saman um 56 prósent á fyrstu tveimur mánuðum ársins 2024 miðað við sama tímabil í fyrra. Umsóknir í janúar og febrúar í ár voru 410 en í sömu mánuðum 2023 voru þær 925. Í minnisblaðið sem félags- og vinnumarkaðsráðuneytið tók saman vegna fundar fjárlaganefndar í dag kemur fram að ef þessi þróun haldi áfram á þessu ári, og dreifing umsókna verður í takt við árið 2023, þá megi gera ráð fyrir að fjöldi umsókna um vernd verði á bilinu 2.000 til 2.500. Ef fjöldinn verður í neðri mörkum þess bils mun umsóknum fækka um rúmlega helming milli ára og ef hann verður í efri mörkunum mun fækkunin nema um 40 prósentum.
Gangi þetta eftir mun kostnaður hins opinbera vegna þjónustu við umsækjendur um vernd dragast verulega saman frá því sem áður var spáð. …
Athugasemdir