Spurningaþraut Illuga 15. september 2023

Fyrri mynda­spurn­ing:

Hvað heitir þessi ungi piltur? Hann er nú orð­inn tölu­vert eldri en hann er á mynd­inni.

Seinni mynda­spurn­ing:

Þetta dýr nefn­ist Tremarctos ornatus á fræði­máli. En hvað kall­ast það á íslensku?

***

1.  Hver skor­aði sig­ur­mark Íslands gegn Bosníu í lands­leik á Laug­ar­dals­velli á mánu­dag­inn var?

2.  Hvaða rit­höf­undur skrif­aði þrjár bækur á árunum 1946-1953 um „meist­ara­spæj­ar­ann“ Karl Blóm­kvist?

3.  New York-borg sam­anstendur af nokkrum hverfum og þar af standa tvö þeirra á eyjum sem eru að öllu leyti innan borg­ar­markanna. Hvað heita þær eyjar? Nefna þarf báðar.

4.  Dýr eitt sem nefnt er Haliaeetus albicilla á fræði­máli var talið í mik­illi útrým­ing­ar­hættu á Íslandi. Með mark­vissum vernd­ar­að­gerðum í ára­tugi hefur tek­ist að snúa þró­un­inni við. Stofn dýrs­ins er tal­inn þokka­lega á sig kom­inn. Hvaða dýr er þetta?

5.  Guð­bergur Bergsson rit­höf­undur lést á dög­unum. Hann fædd­ist í til­teknu plássi hér á landi. Hvaða pláss er það?

6.  Fyrir tveim ára­tugum eða svo komst Guð­bergur í frétt­irnar af mjög óvæntum ástæðum þegar honum hlotn­að­ist heil­mik­ill arfur eftir sam­býl­is­mann sinn á Spáni, og meðal arfs­ins var að sögn mann­virki eitt mikið, sem Guð­bergur mun þó fljót­lega hafa losað sig við. Hvers konar mann­virki var þetta?

7.  Hversu há er Hall­gríms­kirkja? Hér má muna þrem metrum til eða frá.

8.  Haraldur Johann­es­sen heitir rit­stjóri einn. Hvað heitir félagi hans á rit­stjóra­stól ákveð­ins fjöl­mið­ils?

9.  Daisy heitir þol­in­móð stúlka sem aldrei virð­ist ætla að gifta sig þótt frændur tveir gangi sífellt á eftir henni með grasið í skónum. Þeir frændur eiga mis­jöfnu gengi að fagna í líf­inu, ann­ars er ótta­legur hrak­falla­bálkur en hinn þvert á móti svo ljón­hepp­inn að það er varla ein­leikið. En í marga ára­tugi hefur Daisy ekki getað gert upp við hvorn þeirra hún ætti heldur að smella á kossi. Hvað er Daisy nefnd á íslensku?

10.  „Ég er að gera það sama og áður,“ sagði kona ein í við­tali við Vísi.is á dög­unum. Hún rak á sínum tíma vænd­is­starf­semi hér. Hvað heitir hún? Fornafn dugar.

11.  Í fréttum hafa verið aðgerðir lög­reglu gegn öku­mönnum sem taka lyf við ... hverju?

12.  Á 18. öld varð Ólafur nokkur fyrsti stift­amt­maður Dana á Íslandi. Afkom­endur Ólafs tóku föð­ur­nafn hans upp sem ætt­ar­nafn, og var sú ætt síðan alltum­lykj­andi í íslensku valda- og stjórn­kerfi í nærri öld. Hvað var ætt­ar­nafnið?

13.  Tón­list­ar­kona ein hefur vakið gríð­ar­lega athygli að und­an­förnu fyrir jazz-plötu sína. Hvað heitir konan?

14.  En hvað heitir platan?

15.  Í hvaða Afr­íku­ríki heitir höf­uð­borgin Abuja?

***