„Ég er flótta­maður. Ég hugs­aði að ég gæti aldrei farið aftur í skóla af því að ég er flótta­maður. En, vá, þetta er mjög geggjuð til­finn­ing,“ segir Sayed sem sett­ist niður með blaða­manni Heim­ild­ar­innar nokkrum dögum eftir útskrift. Þegar Sayed hóf nám í FÁ fyrir fjórum árum, þá 19 ára gam­all, hafði hann litla trú á að hann myndi nokkurn tím­ann útskrif­ast. „Þetta er mjög erfitt! Ég tal­aði enga íslensku og allir kenn­ar­arnir töl­uðu íslensku, allir áfang­arnir voru á íslensku. Það var smá erfitt, en það tókst, það er geggjað,“ segir Sayed. Á íslensku.   

Hann kom til Íslands í des­em­ber 2018 og hóf nám í Fjöl­brauta­skól­anum í Ármúla haustið 2019 og flutti sig síðar í Borg­ar­holts­skóla þaðan sem hann lauk stúd­ents­prófi af kvik­mynda­braut í maí. „Hér er ég í dag, það hefur verið mik­ill heiður að vinna að þessum áfanga og ég hefði ekki getað gert það án stuðn­ings …