Þessi grein birtist fyrir rúmlega 12 mánuðum.

Meitluð framsetning á spurningum um tímann

List­fræð­ing­ur­inn Mar­grét Elísa­bet Ólafs­dótt­ir rýn­ir í sýn­ing­una Allt er ná­lægt. Hún seg­ir það vera ákveðna áhættu að staldra þar við og leyfa verk­um Krist­ins E. Hrafns­son­ar að hleypa að sér krefj­andi spurn­ing­um.

Meitluð framsetning á spurningum um tímann
Myndlist

Krist­inn Hrafns­son: Allt er ná­lægt

Gefðu umsögn

Að ganga inn á sýningu á verkum eftir Kristin E. Hrafnsson í Hverfisgalleríi er góð hvíld frá skarkala borgarinnar, en um leið felst í því ákveðin áhætta að staldra við og leyfa verkunum að hleypa að sér krefjandi spurningum. Verk Kristins einkennast af yfirvegun og meitlaðri hugsun sem er sett fram á hnitmiðaðan hátt í efni sem bera með sér ákveðinn þunga, líkt og steinum og stáli sé ætlað að jarðtengja hugsunina, eða festa hana niður.

Kristinn er af þeirri kynslóð íslenskra listamanna sem tileinkaði sér hugmyndalist upp úr miðri síðustu öld og lagði áherslu á að hugsunin kæmi á undan efnislegri úrvinnslu og framsetningu verksins. En hugmyndalist er ekki endilega góð þýðing á enska orðinu consept, sem getur einnig þýtt hugtak og skírskotað til heimspekilegrar hugsunar. Verk Kristins einkennast einmitt af heimspekilegum spurningum, þótt framsetning þeirra verði fyrst til sem hug-mynd og þau séu „teiknuð af huga“ svo vísað sé í listamanninn sjálfan. Það er hugsun um hugtak sem er viðfangsefni Kristins á sýningunni allt er nálægt og það er ekki lítið hugtakið því verkin  fjalla öll um tímann og opna hvert og eitt á heimspekilegar vangaveltur um eðli hans, eiginleika og ekki síst hvernig við sem manneskjur skynjum þennan tíma. 

Allt er nálægt

Titilverk sýningarinnar, allt er nálægt, er í anda þeirra verka Kristins sem vega salt á milli notagildis og listaverks. Verk sem lítur út eins og bekkur reynist vera með áletrun, „allt er nálægt“, en hún getur bæði vísað í viðfangsefni sýningarinnar, tímann, og rýmið sem hluta af tímanum ef við hugsum um tímann sem hreyfingu í rými.

Á veggjum hvort sínum megin við skúlptúrbekkinn er FRAMTÍÐARFORTÍÐ, verk í tveimur hlutum, en  báðir hlutarnir byggja á handskrifuðum setningum sem hafa verið steyptar í stál. Önnur áletrunin, rituð af gamalli, titrandi hendi, segir: „Að baki: endalaus framtíð“, en hin, sem er ung og hefur ekki enn þá lært að skrifa beint, ritar „Framundan: endalaus fortíð“. Í þessum tveimur setningum kristallast hugsun um tímann sem snýr skilgreiningum á framtíðinni og fortíðinni á hvolf og vekur vangaveltur um það hvernig við sem manneskjur staðsetjum okkur gagnvart tímanum með því að ramma inn upphaf og endi lífsins, okkar eigin lífs og annarra, þótt tíminn sé áfram til handan við okkur sjálf. Það má þannig sjá bekkinn, allt er nálægt, sem staðsettan í núinu, eða á þeim stað þar sem fortíð og framtíð sameinast í hugsuninni.

Ljósmynd: Margrét Elísabet Ólafsdóttir.

Tímarnir

Tíminn birtist á annan hátt í þremur veggmyndum sem bera titilinn Tímarnir og sýna ólíkar framsetningar á hugmyndum um tímann, s.s. tíminn fyrir tímann, tíminn í tímanum, og tíminn handan tímans, sem Kristinn setur fram í formi þrívíðra línuteikninga úr ryðfríu stáli ásamt viðeigandi texta. Tíminn í tímanum er framsettur sem opið hringform þar sem tvær stuttar línur teygja sig ýmist yfir hringinn eða undir hann, en þessi sjónræna útfærsla á fullyrðingum sem fela í sér spurningar um tímann og hvað átt sé við með tímanum í tímanum knýja fram áframhaldandi hugsun áhorfandans. Spurningar og efnisleg framsetning þeirra er hnitmiðuð og felur í sér ákveðinn tærleika þar sem nóg er sagt og engu ofaukið, hvort sem Kristinn notar ljósmyndir líkt og í verkinu öldurnar aldirnar eða þungan efnivið eins og grástein, með áletrunum, áðan bráðum og vafabið á slípuðu yfirborði. 

Það má nálgast verkin á sýningunni eins og þau koma áhorfandanum fyrst fyrir sjónir, sem snjallar útfærslur á hnyttnum orðaleikjum, eða leyfa þeim að kveikja heimspekilegar samræður um þetta fyrirbæri tímann. Verkunum er ætlað að hreyfa við slíkum hugsunum og ef áhorfandinn leyfir sér að fylgja þeirri hreyfingu dýpkar merking verkanna og upplifun hans, líkt og minnt er á með silkiþrykkinu 108 ára gamalt spurningarmerki MD. Það fer lítið fyrir þessu verki á sýningunni en það er ákveðinn lykill að verkum Kristins. Skammstöfunin MD er vísun í Marcel Duchamp, sem hefur ekki aðeins verið krýndur faðir hugmyndalistar 20. aldar heldur einnig margræðninnar sem einnig er að finna í verkum Kristins E. Hrafnssonar á sýningunni í Hverfisgalleríi.


Sýning: Kristinn E. Hrafnsson: Allt er nálægt
Sýningarstaður: Hverfisgallerí
Sýningartími: 15. apríl – 20. maí 2023
Kjósa
1
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Öryggisverðir gæta Bjarna – „Nokkuð góðir í að vera ósýnilegir“
2
Fréttir

Ör­ygg­is­verð­ir gæta Bjarna – „Nokk­uð góð­ir í að vera ósýni­leg­ir“

Bjarni Bene­dikts­son for­sæt­is­ráð­herra vill ekki kalla þá líf­verði, ör­ygg­is­verð­ina sem fylgja hon­um hvert fót­mál. „Þeir eru nokk­uð góð­ir í að vera ósýni­leg­ir þannig að ég geti sinnt mín­um störf­um,“ seg­ir hann. Áhættumat vegna ör­ygg­is ráð­herra rík­is­stjórn­ar Ís­lands er í sí­felldri end­ur­skoð­un, sam­kvæmt embætti rík­is­lög­reglu­stjóra.
Þórður Snær Júlíusson
4
Leiðari

Þórður Snær Júlíusson

Er það að gefa að minnsta kosti hálf­an millj­arð góð með­ferð op­in­bers fjár?

Fyrr­ver­andi rík­is­lög­reglu­stjóri með sterk flokk­spóli­tísk tengsl tók ákvörð­un um að gera vel við nána sam­starfs­menn sína rétt áð­ur en þeir fóru á eft­ir­laun og rétt áð­ur en hann þurfti að semja um starfs­lok. Kostn­að­ur­inn við þessa ákvörð­un er að minnsta kosti rúm­lega 500 millj­ón­ir króna og skatt­greið­end­ur bera hann. Tveir nú­ver­andi ráð­herr­ar voru kolrang­stæð­ir í yf­ir­lýs­ing­um sín­um um mál­ið að mati Hæsta­rétt­ar og nú­ver­andi dóms­mála­ráð­herra get­ur ekki feng­ið sig til að biðja um rann­sókn á því.
Grátrana sást á Vestfjörðum
5
Fréttir

Grátr­ana sást á Vest­fjörð­um

Grátr­ana sást á túni vest­ur í Djúpi á Vest­fjörð­um. Um er ræða sjald­séð­an flæk­ings­fugl og þyk­ir það tíðund­um sæta að hann hafi sést á þess­um slóð­um en hing­að til hafa þeir að­eins fund­ist á Aust­ur­landi og á Norð-Aust­ur­landi. Fugl­inn varð á vegi hjón­anna Kristjáns Sig­ur­jóns­son­ar og Áslaug­ar Ótt­ars­dótt­ur sem náðu af smella af nokkr­um mynd­um af trön­unni áð­ur en hún flaug á brott.

Mest lesið

Mest lesið í vikunni

Fékk ekki að segja bless við eiginmann sinn
2
Fréttir

Fékk ekki að segja bless við eig­in­mann sinn

Sara Sig­ur­björg Guð­munds­dótt­ir, eig­in­kona Precious Fel­ix Tani­mola sem var send­ur úr landi til Níg­er­íu í nótt, seg­ist ekki hafa feng­ið að kveðja hann: „Sím­inn var tek­inn af hon­um og ég fékk ekki að segja bless.“ Precious flúði til Ís­lands frá Úkraínu vegna stríðs­ins. Hon­um hafði ári áð­ur ver­ið boð­ið að spila þar fót­bolta með úkraínsku fé­lagsliði.
Skuldir á hvern íbúa í Garðabæ og Hafnarfirði nálgast tvær milljónir króna
5
Greining

Skuld­ir á hvern íbúa í Garða­bæ og Hafnar­firði nálg­ast tvær millj­ón­ir króna

Mik­ið er skegg­rætt um fjár­hags­stöðu sveit­ar­fé­laga á höf­uð­borg­ar­svæð­inu. Þeg­ar horft er á skulda­stöðu þess hluta rekst­urs þeirra sem er fjár­magn­að­ur með skatt­tekj­um er stað­an skást í Kópa­vogi og Reykja­vík en versn­ar hrað­ast í Garða­bæ og á Seltjarn­ar­nesi, þar sem veltu­fé frá rekstri var nei­kvætt í fyrra. Hafn­ar­fjörð­ur er eina sveit­ar­fé­lag­ið á höf­uð­borg­ar­svæð­inu sem var með veltu­fjár­hlut­fall, sem seg­ir til um getu sveit­ar­fé­lags til að borga skuld­ir sín­ar, um­fram það sem æski­legt er. Heim­ild­in rýndi í árs­reikn­inga sveit­ar­fé­lag­anna.
Hvað gerist í huganum þegar við hreyfum okkur?
8
ViðtalHlaupablaðið 2024

Hvað ger­ist í hug­an­um þeg­ar við hreyf­um okk­ur?

„Mögn­uð“ breyt­ing verð­ur á hug­an­um þeg­ar við hreyf­um okk­ur. Hreyf­ing virk­ar eins og þung­lynd­is­lyf á þau sem glíma við vægt eða miðl­ungs þung­lyndi. Endorfín, sem fást við hlaup, hafa áhrif á túlk­un til­finn­inga, deyfa sárs­auka og valda sælu­til­finn­ingu. Steinn B. Gunn­ars­son íþrótta- og lýð­heilsu­fræð­ing­ur veit­ir inn­sýn í áhrif­in og ráð til að fá hug­ann til að halda sig við hreyf­ing­una.
Öryggisverðir gæta Bjarna – „Nokkuð góðir í að vera ósýnilegir“
9
Fréttir

Ör­ygg­is­verð­ir gæta Bjarna – „Nokk­uð góð­ir í að vera ósýni­leg­ir“

Bjarni Bene­dikts­son for­sæt­is­ráð­herra vill ekki kalla þá líf­verði, ör­ygg­is­verð­ina sem fylgja hon­um hvert fót­mál. „Þeir eru nokk­uð góð­ir í að vera ósýni­leg­ir þannig að ég geti sinnt mín­um störf­um,“ seg­ir hann. Áhættumat vegna ör­ygg­is ráð­herra rík­is­stjórn­ar Ís­lands er í sí­felldri end­ur­skoð­un, sam­kvæmt embætti rík­is­lög­reglu­stjóra.

Mest lesið í mánuðinum

Skólastjórinn hættir eftir áralanga óánægju foreldra
1
Fréttir

Skóla­stjór­inn hætt­ir eft­ir ára­langa óánægju for­eldra

Móð­ir á Kirkju­bæj­arklaustri ætl­ar að flytja með börn­in sín úr bæn­um þar sem hún tel­ur ástand­ið í Kirkju­bæj­ar­skóla óvið­un­andi. Son­ur henn­ar hef­ur lít­ið mætt í skól­ann í á ann­að ár eft­ir at­vik í skól­an­um sem for­eldr­arn­ir kærðu til lög­reglu. Mál­ið var lát­ið nið­ur falla. Skóla­stjór­inn er nú á för­um en sveit­ar­stjór­inn seg­ir það „eng­um ein­um að kenna þeg­ar tveir deila“.
Rúlletta Róberts og vitnisburðir starfsfólks: „Þetta er bara rosalega mikið álag“
2
ÚttektRóbert Wessman, Alvogen og Alvotech

Rúll­etta Ró­berts og vitn­is­burð­ir starfs­fólks: „Þetta er bara rosa­lega mik­ið álag“

Starfs­menn Al­votech lýsa vinnu­álag­inu sem ómann­eskju­legu og hafa leit­að til stétt­ar­fé­laga út af ógreiddri yf­ir­vinnu og fleiri mál­um. Vinnu­að­stæð­urn­ar hafa ver­ið svona út af því að Al­votech hef­ur unn­ið að því að fá mark­aðs­leyfi fyr­ir sam­heita­lyf Humira í Banda­ríkj­un­um. Fyr­ir­tæk­ið hef­ur veðj­að öllu á þetta lyf en sala á því hef­ur dreg­ist sam­an og sam­heita­lyfj­um þess hef­ur alls ekki geng­ið eins vel í Banda­ríkj­un­um og reikn­að var með.
Fékk ekki að segja bless við eiginmann sinn
6
Fréttir

Fékk ekki að segja bless við eig­in­mann sinn

Sara Sig­ur­björg Guð­munds­dótt­ir, eig­in­kona Precious Fel­ix Tani­mola sem var send­ur úr landi til Níg­er­íu í nótt, seg­ist ekki hafa feng­ið að kveðja hann: „Sím­inn var tek­inn af hon­um og ég fékk ekki að segja bless.“ Precious flúði til Ís­lands frá Úkraínu vegna stríðs­ins. Hon­um hafði ári áð­ur ver­ið boð­ið að spila þar fót­bolta með úkraínsku fé­lagsliði.
Ákveðið að saksækja þrjá í Lindsor-málinu rúmum 15 árum síðar
10
Skýring

Ákveð­ið að sak­sækja þrjá í Lindsor-mál­inu rúm­um 15 ár­um síð­ar

Sama dag og Geir H. Haar­de flutti ræðu til þjóð­ar­inn­ar þar sem hann bað guð um að blessa Ís­land veitti Kaupþing af­l­ands­fé­lagi lán sem not­að var til að kaupa verð­lít­il skulda­bréf af starfs­mönn­um og vild­ar­við­skipta­vini bank­ans. Nú, 15 og hálfu ári eft­ir að lán­ið var veitt, stend­ur til að sak­sækja þrjá ein­stak­linga í Lúx­em­borg vegna þess.

Mest lesið í mánuðinum

Nýtt efni

Mest lesið undanfarið ár