Tengdar greinar
Mynd dagsins
![Umhleypingasamur janúar að baki](/media/uploads/images/thumbs/OMedh0ShImn9_150x100_K21C7uee.jpg)
Mynd dagsins
Umhleypingasamur janúar að baki
![Vaddúddí, vaddúddí](/media/uploads/images/thumbs/sy_Gzdiskh8X_150x100_LyYSbyTi.jpg)
![Páll Stefánsson](/media/authors/thumbs/w-lkqsa7qCAl_50x50_6M97i5zl.jpg)
Mynd dagsins
Páll Stefánsson
Vaddúddí, vaddúddí
Jaðrakan segir víst vaddúddí, vaddúddí, en stofnstærðin á þessum votlendisfugli er um 70 þúsund varppör. Krían (seinni mynd) er þrisvar sinnum fjölmennari, en hér verpa um 200 þúsund pör. Jaðrakan fer ekki ekki langt til vetursetu, bara til Írlands og suður til Fetlafjarðar, sem heitir víst líka Biskajaflói eða Bizkaiako Golkoa á basknesku. Krían aftur á móti eyðir 5 mánuðum á ári í ferðalög, en það eru 35 þúsund kílómetrar frá vetrarstöðvunum við Suðurskautslandið til Sandgerðis þar sem þessi mynd var tekin í morgun.
![Ella í Brákarsundi, Borgarnesi](/media/uploads/images/thumbs/5idsFKQnqoGU_150x100_dOjo6aZ8.jpg)
![Páll Stefánsson](/media/authors/thumbs/w-lkqsa7qCAl_50x50_6M97i5zl.jpg)
Mynd dagsins
Páll Stefánsson
Ella í Brákarsundi, Borgarnesi
Trillan Ella, er vorboðinn í Borgarnesi. í aldarfjórðung hefur hún glatt gesti og gangandi þar sem hún lónir í Brákeyjarsundi vor og sumar. Ella var byggð í Stykkishólmi 1975, skírð eftir Snæfelskum kvenskörungi. Þaðan var hún keypt til Borgarnes af Stórútgerðarfélagi Mýrarmanna - aðallega til að veiða borgfisk undir Þormóðsskeri á sérstöku Bessaleyfi. Núverandi eigandi, Sigurður Halldórsson, ætlar sér stærri hluti með Ellu... að breyta henni í samfélagsstjörnu. Fljótlega mun Ella því fá sérstaka Facebook og Instagram síðu.
![Góðleg gimbur í góða veðrinu](/media/uploads/images/thumbs/qxzmuQ1DdXzk_150x100_hqAfL9B7.jpg)
![Páll Stefánsson](/media/authors/thumbs/w-lkqsa7qCAl_50x50_6M97i5zl.jpg)
Mynd dagsins
Páll Stefánsson
Góðleg gimbur í góða veðrinu
Sauðfé á Íslandi hefur fækkað um meira en helming frá því flest var árið 1977. Þá voru 896 þúsund fjár á vetrarfóðrun en nú í vetur voru þau akkúrat 400 þúsund og hafa þau ekki verið færri síðan 1861. Af öllum þessum fjölda eru hrútarnir aðeins 11 þúsund - en það gera 37 rollur á hvern hrút. Fjöldi sauðfjár nú er litlu meiri en hann var árið 1760 en þá bjuggu hér 43 þúsund manns.
![Upp á punkt og prik](/media/uploads/images/thumbs/CpW5QJu-Vj6t_150x100_M3ycw2Jm.jpg)
![Páll Stefánsson](/media/authors/thumbs/w-lkqsa7qCAl_50x50_6M97i5zl.jpg)
Mynd dagsins
Páll Stefánsson
Upp á punkt og prik
Í dag eru upp á dag tíu ár síðan Svisslendingarnir Anthony og Claudia komu fyrst til Íslands og tjölduðu þessu þá nýja tjaldi á Tjaldsvæðinu í Laugardal. Síðastliðin tvö ár hafa þau búið og starfað á Dalvík, en voru í stuttu stoppi í höfuðborginni á leið suður og austur hringinn. Það var eitt annað tjald á tjaldsvæðinu og tveir litlir húsbílar. Lífið er semsagt að færast í eðlilegt horf... ferðafólk á tjaldsvæðinu og grímuskyldan aflögð frá og með deginum í dag.
![Mars í maí](/media/uploads/images/thumbs/azdPZVLVQ1Lr_150x100_Mw3BTSPr.jpg)
![Páll Stefánsson](/media/authors/thumbs/w-lkqsa7qCAl_50x50_6M97i5zl.jpg)
Mynd dagsins
Páll Stefánsson
Mars í maí
Hönnunarmars er vorboði, og einn viðburður var í Vesturbæjarlauginni í dag. Aðalheiður, Ásgeir Helgi, Emilía og Halla dönsuðu samhæft í nýjum sundfötum frá BAHNS, undir stjórn Ingu Marenar. Það var eitthvað fallegt, jákvætt við það að sjá fulla heita potta af áhorfendum klappa þegar dansinum var lokið. Svolítið eins og við séum komin fyrir horn í þessum faraldri sem einhvernveginn ætlar aldrei að ljúka.
Athugasemdir