***
Aukaspurning sú hin fyrri:
Hver er konan á myndinni hér að ofan?
***
Aðaspurningar:
1. Í hvaða landi er höfuðborgin Varsjá?
2. Hver býr í turninum í Kardimommubæ?
3. Hver er stærsti þéttbýliskjarninn á Fljótsdalshéraði?
4. Stærsti hver heimsins kallast Steikarpönnuvatn og er nærri fjórir hektarar að stærð. Í hvaða landi er þessi geysistóri hver?
5. Í hvaða landi var Knútur ríki upphaflega konungur?
6. Hvaða mynd hvarf úr Louvre-safninu í París árið 1911?
7. Hver sendi frá sér plötuna Blackstar árið 2016, rétt fyrir andlát sitt?
8. Um 1530 verður fyrst vart við leik nokkurn suður á Ítalíu sem kallaðist „Il Giuoco del Lotto d'Italia“. Hann var þá ekki ósvipaður því sem við köllum nú lottó, en þegar leikurinn fluttist til Frakklands var bætt við spilum, táknum og tölum. Leikurinn þróaðist svo töluvert í Frakklandi, en tók á sig nútímamynd sína í Bandaríkjunum fyrir tæpum 100 árum. Í Atlanta var leikurinn spilaður með baunum og þær eru taldar hafa gefið leiknum nafn, þótt í nokkuð afbökuðu formi sé. Eitt sérkenni leiksins er að fjöldi þátttakenda er í raun ótakmarkaður. Hvað heitir þessi leikur?
9. Þuríður Harpa Sigurðardóttir er formaður í félagi nokkru eða samtökum, og hún fagnaði nýlega hugmyndum þingmanns Sjálfstæðisflokksins um að rannsókn færi fram á skjólstæðingum hennar og félagsmönnum. Hvar er Þuríður Harpa formaður?
10. Á hvaða vatni gekk Jesúa frá Nasaret samkvæmt frásögn guðspjallanna?
***
Seinni aukaspurning:
Hver er þetta?
***
Svör við aðalspurningum:
1. Póllandi.
2. Tóbías.
3. Egilsstaðir.
4. Á Nýja-Sjálandi.
5. Danmörku.
6. Mona Lisa.
7. David Bowie.
8. Bingó.
9. Öryrkjabandalags Íslands.
10. Genesaret-vatni, öðru nafni Galíleuvatni.
***
Svör við aðalspurningum:
Á fyrri myndinni, hér efst, má sjá kvikmyndastjörnuna Bette Davis.
Á neðri myndinni sést hluti af andliti Boga Ágústssonar fréttamanns.
***
Spurningaþrautin
Fyrri grein
226. spurningaþraut: Hver hélt tónleika á Suðurskautslandinu? og fleira
Næsta grein
Athugasemdir