Hlekkur á þrautina í gær, hér má finna hann.

***

Aukaspurningar:

Hver málaði málvekið á myndinni hér að ofan?

***

Aðalspurningar:

1.   Kim Kardashian heitir bandarísk sjónvarpsstjarna. Hver er eiginmaður hennar?

2.   Í hvaða landi er höfuðborgin Sofia?

3.   Gíraffar eiga aðeins einn náinn ættingja á lífi. Hvað nefnist sú dýrategund?

4.   Hvað er bar mitzvah?

5.   Við hvaða listgrein hefur Arnar Jónsson fengist í áratugi?

6.   Árið 1915 stóð fyrri heimsstyrjöldin sem hæst og þá sökkti þýskur kafbátur stóru bresku farþegaskipi í námunda við Írland og fjöldi manns fórst. Atburðurinn vakti sérstaka reiði Bandaríkjamanna því 128 landar þeirra voru meðal þeirra sem dóu. Hvað hét þetta skip?

7.   Í hvaða landi er dansinn (eða athöfnin) haka upprunnin?

8.  Hver var forsætisráðherra Íslands á fullveldisdaginn 1918?

9.   Á vefsíðu Hagstofu Íslands segir: „Hinn 1. janúar 2020 voru landsmenn ...“ Ja, hve margir voru þeir í byrjun þessa leiðinlega árs? Hér má muna rúmlega 4.000 manns til eða frá.

10.   Árið 1941 barst ríkisstjórn Íslands tilboð frá Sigurði Jónassyni forstjóra sem bauðst til að gefa íslenska ríkinu ákveðna eign í ákveðnu skyni. Í fyrstu voru ekki allir sammála um hvort boðinu skyldi tekið, en það varð þó að lokum ofan á. Hvað var það sem Sigurður gaf ríkinu? 

***

Og seinni aukaspurning:

Á myndinni hér að neðan má sjá frægan rithöfund. Hvað heitir rithöfundurinn?

***

Svör við aðalspurningum:

1.   Kanye West.

2.   Búlgaríu.

3.   Ókapí.

4.   Manndómsvígsla Gyðingadrengja. Það má alveg segja ferming. Bat mitzvah heitir samskonar athöfn sem stúlkur ganga í gegnum.

5.   Leiklist.

6.   Lusitania.

7.   Nýja Sjálandi.

8.   Jón Magnússon. Hann var að vísu frá störfum þann dag en sat nú í embættinu samt.

9.   Landsmenn voru 364.134 (sjá hér), og rétt telst vera allt frá 360.000 til 370.000.

10.   Bessastaðir.

***

Svör við aukaspurningum:

Pablo Picasso málaði myndina Ungfrúrnar í Avignon.

Rithöfundurinn heitir Margaret Atwood.

***  

Og þrautin í gær.