199. spurningaþraut: Wiki, Eiður Smári, zóróaster-trúin, og er fátt eitt talið

Þrautin gær­dags­ins, hér sjáið hlekk á hana!

***

Fyrri auka­spurn­ing:

Hvar er myndin hér að ofan tekin?

***

Aðal­spurn­ingar:

1.   Nýyrðið „wiki“ merkir vef­síðu sem les­endur og/eða not­endur sjálfir geta skrifað, breytt, mótað og bætt inn í hratt og örugg­lega. Það var amer­íski tölv­un­ar­fræð­ing­ur­inn Ward Cunningham sem þró­aði fyrstu wiki-síð­una og gaf fyr­ir­bær­inu þetta nafn, sem síðan er notað á Wikipedia, Wikileaks og margt fleira. Orðið „wiki“ er komið úr havaísku og Cunningham hafði séð það skrifað utan á smárútu sem flutti far­þega milli staða á flug­vell­inum í Honolulu. Utan á þeim stóð „Wiki Wiki“. Cunningham fannst orðið hæfa vel því sem hann var að þróa. Hvað skyldi orðið „wiki“ þýða í havaísku?

2.   Hvernig dýr er Auðhumla í nor­rænu goða­fræð­inni?

3.   Zóróaster-trú er æða­forn og er enn við lýði. Hvaða landi í fornöld tengd­ist upp­haf zóróaster-trú­ar­innar fyrst og fremst?

4.   Engin kona hefur enn orðið for­maður Sjálf­stæð­is­flokks­ins. En hvaða kona varð fyrst vara­for­maður flokks­ins?

5.   Hvað heitir ævi­saga Herra Hnetu­smjörs, sem er nýkomin út?

6.   Hvað fékkst Jóhann Páll Valdi­mars­son við í ára­tugi með góðum árangri?

7.   Eiður Smári Guðjohn­sen var leik­maður Barcelona í þrjú ár. Hvaða númer hafði hann á treyju sinni þau ár?

8.   „Rúmlega tví­tugur karl­maður heldur út í heim með þrjá rósa­af­leggjara. Heima skilur hann eftir þroska­heftan tví­bura­bróður, aldr­aðan föður, og barn á fyrsta ári sem hann eign­að­ist með vin­konu vinar síns. Stefnan er tekin á fornan rósa­garð í óræðu þorpi sunnar í álf­unni.“ Svo er skáld­sögu einni lýst frá útgef­anda. En hver skrif­aði þessa bók?

9.   Hvað heita þau gras­rót­ar­sam­tök á Íslandi sem berj­ast gegn kyn­ferð­is­of­beldi og veita marg­vís­lega og mikla aðstoð því fólki sem hefur verið beitt kyn­ferð­is­of­beldi, bæði konum en körlum líka?

10.   Í hvaða landi er haldið árlega tómata­há­tíð, sem gengur út á að nán­ast synda í tómötum, maka á sig tómötum, kasta tómötum í annað fólk og annað þvíum­líkt?  

***

Síðari auka­spurn­ing:

Hver er það sem hér sýnir bað­föt?

***

Svör við aðal­spurn­ingum:

1.   „Hratt“, „fljótt“ – eitt­hvað í þá átt­ina.

2.   Kýr.

3.   Í Persíu. Íran má líka telj­ast rétt.

4.   Þor­gerður Katrín Gunn­ars­dóttir.

5.   Hingað til.

6.   Bóka­út­gáfu.

7.   Sjö.

8.   Auður Ava Ólafs­dóttir.

9.   Stígamót.

10.   Á Spáni.

***

Svör við auka­spurn­ingum:

Sú fyrri er tekin á Bikini-eyja­kla­s­anum í Kyrra­hafi, þar sem kjarn­orku­vopna­til­raunir Banda­ríkja­manna fóru fram í nokkur miss­eri eftir síð­ari heims­styrj­öld. „Kyrra­hafið“ dugar ekki.

Sú seinni sýnir kvik­mynda­leikkon­una Sophiu Loren.

***

Og aftur hlekkur á gær­dags­þraut­ina.