Hér er hlekkur sem vísar ykkur á þraut gærdagsins.

***

Aukaspurning sú hin fyrri:

Útlínur hvaða lands sjáum við á myndinni hér að ofan?

***

Aðalspurningar:

1.   Hver var umsjónarmaður og eftirminnilegur þulur sjónvarpsþáttanna Sönn íslensk sakamál?

2.   Hver var markakóngur heimsmeistaramóts karla í fótbolta árið 2018?

3.   Hver tróð upp í Eurovision fyrir Ísland árið 2017 með lagið Paper?

4.   Hver hefur skrifað ævisögur Megasar, Matthíasar Jochumssonar og Skúla Magnússonar?

5.   Aðeins ein kona situr nú í Hæstarétti Íslands. Hvað heitir hún?

6.   Í hvaða landi er borgin Þessalóníka?

7.   Hver lék Stellu í kvikmyndunum um Stellu í orlofi og Stellu í framboði?

8.   Hver setti fram afstæðiskenninguna í eðlisfræði?

9.   Árið 1913 kom upp frægt morðmál á Íslandi þegar kona ein eitraði fyrir bróður sínum. Í hvað setti hún eitrið sem varð honum að bana?

10.   Í geysivinsælli kvikmynd frá árinu 2013 segir frá prinsessu einni sem leggur af stað í hættulegan leiðangur til að endurheimta systur sína, drottninguna, sem farin er í felur. Með prinsessunni í leiðangurinn fara nokkrir tryggir vinir, eins og títt er í myndum af þessu tagi. Hvað heitir þessi mynd?

***

Síðari aukaspurning:

Hver er þessi unga stúlka?

***

Svör við aðalspurningum:

1.   Sigursteinn Másson.

2.   Harry Kane.

3.   Svala Björgvins.

4.   Þórunn Jarla Valdimarsdóttir.

5.   Ingveldur Einarsdóttir.

6.   Grikklandi.

7.   Edda Björgvinsdóttir.

8.   Einstein.

9.   Skyr.

10.   Frozen.

***

Svör við aukaspurningum:

Landið á þeirri fyrri er Brasilía.

Hér má sjá útlínur allrar Suður-Ameríku.

Stúlkan á neðri myndinni heitir aftur á móti Svetlana og var dóttir Jósefs Stalíns einræðisherra Sovétríkjanna.

Hér að neðan má einmitt sjá hana með  föður sínum.

Ég treysti á að þið hafið þekkt hann af eyranu á efra skjáskotinu.

***

Og þá er hér að síðustu hlekkur á þrautina sem birtist í gærmorgun.