Hóhó, hér er þrautin frá í gær. Endilega lítið á hana ef þið hafi ekki leyst úr henni nú þegar.
En fyrri aukaspurning snýst um myndina hér að ofan:
Á fyrri öldum gekk ákveðin stétt manna stundum svona til fara, sem sé með þessa einkennilegu fuglagrímu.
Hvaða stétt klæddi sig svona?
***
Aðalspurningarnar tíu:
1. Sara Björk Gunnarsdóttir er sem fótboltamaður uppalin hjá Haukum í Hafnarfirði, en þegar hún var 18 ára fór hún til annars liðs, þar sem hún var þangað til hún fór út í atvinnumennsku. Hvaða íslenska lið var það?
2. Þann 20. apríl 1939 var mikið um dýrðir á ákveðnum stað af því tiltekinn maður hélt þá upp á fimmtugsafmælið sitt. Auðvitað urðu margir fimmtugir þennan dag, en hver var sá langfrægasti?
3. Hvað heitir höfuðborgin í Brasilíu?
4. Í hvaða landi er blaðið Pravda gefið út?
5. Hver var faðir þeirra Sems, Kams og Jafets?
6. Hver spilaði á bassa í Bítlunum?
7. Hvaða ár gaus Katla síðast svo staðfest sé?
8. Hver er núverandi heimsmeistari í skák?
9. Hvað hét fyrri eiginkona Napóleons Frakkakeisara?
10. Hvaða bandaríski utanríkisráðherra fæddist í úthverfi Prag í Tékklandi árið 1937 og flutti ekki til Bandaríkjanna fyrr en 11 ára?
***
Og hér er svo seinni aukaspurning:
Þessi hárprúða kona er frönsk og heitir Wendie Renard. Hún er ein af þeim fremstu í sinni röð í heiminum, en hvaða röð er það? Við hvað fæst Wendie Renard?
***
Svör við aðalspurningum:
1. Breiðablik.
2. Adolf Hitler.
3. Brasilia.
4. Rússlandi.
5. Nói.
6. Paul McCartney.
7. 1918.
8. Magnus Carlsen.
9. Jósefína
10. Madeleine Albright, utanríkisráðherra Bill Clintons 1997-2001.
***
Svar við fyrri aukaspurningu:
Læknar.
Fuglsgoggurinn átti að verja þá gegn smiti þegar þeir komu að vita sjúklinga með alvarlega sjúkdóma, pláguna og þess háttar.
***
Svar við seinni aukaspurningunni er:
Fótbolti.
Wendie Renard er máttarstólpi í vörninni hjá meistaraliði Lyon og franska landsliðinu.
Hún er því félagi Söru Bjarkar og á myndinni hér fyrir neðan má sjá Renard í hópi félaga sinna í Lyon fagna marki Söru Bjarkar í úrslitaleiknum gegn Wolfsburg um daginn.
Og já, hún er hávaxin - nánar tiltekið 1,87.
***
Og loks er hér aftur linkur á þrautina frá í gær.
Spurningaþrautin
Fyrri grein
133. spurningaþraut:
Næsta grein
Athugasemdir