„Maðurinn sem hér situr hefur ítrekað sýnt að hann vill ekki leggja spil sín á borðið,“ sagði Dóra Björt Guð­jóns­dóttir, borg­ar­full­trúi Pírata, um Eyþór Arnalds, borg­ar­full­trúa Sjálf­stæð­is­flokks­ins, þegar þau ræddu saman í þætt­inum Bítið á Bylgj­unni í morgun. Til tals voru kaup Eyþórs á hlut Samherja í Morg­un­blað­inu með selj­anda­láni frá fyr­ir­tæk­inu sem hefur verið afskrifað að stórum hluta, eins og Stundin hefur greint frá.

„Þetta mál snýst ekk­ert endi­lega um það með hvaða hætti Samherji, þetta fyr­ir­tæki sem hefur nú verið stað­fest að greiði mútur til stjórn­mála­manna hafi í huga að nýta Eyþór,“ sagði Dóra Björt. „Það er hags­muna­á­rekstur fal­inn í því að taka við gjöfum, hund­ruðum millj­óna frá stórum fjár­hags­legum aðila. Það er nú aðal­at­riðið. Þess vegna er það þannig að jafn­vel þótt menn hafi verið í full­kom­lega lög­legum við­skiptum þurfa þeir að svara fyrir þau þegar þeir fara í stjórn­málin. Vegna þess að það er mik­il­vægt að almenn­ingur geti full­vissað sig um að þeir séu eigin herra og ekki með leynda sér­hags­muni.“

Eign­ar­halds­fé­lag Eyþórs sem á hluta­bréf í Morg­un­blað­inu er á end­anum fjár­magnað af Kýp­ur­fé­lagi Samherja, Esju Seafood, sem er mið­punkt­ur­inn í mútu­greiðslum og fjár­magns­flutn­ingum Sam­herj­a­sam­stæð­unnar erlendis, sem Stundin hefur greint frá ásamt RÚV, Wikileaks og Al Jazeera. Eyþór fékk 225 milljón króna kúlu­lán frá Samherja fyrir kaupum á hlutnum sem að miklu leyti hefur verið afskrifað.

„Það er alltaf óheppi­legt að stjórn­mála­menn séu mikið í fjöl­miðlum,“ sagði Eyþór í þætt­inum. „Það var Pírati sem átti í Stund­inni og Sam­fylk­ing­ar­þing­maður sem átti í Kjarn­anum. Össur Skarp­héð­ins­son var rit­stjóri tveggja blaða á meðan hann sat á þingi. En ég sagði strax og ég fór í póli­tík­ina að ég mundi draga mig úr þessu. Fór úr stjórn og hef ekki haft afskipti af þessu. Ég tel betra að hafa fjar­lægð á milli.“

Vísar Eyþór þarna til þess að Smári McCarthy, þing­maður Pírata, hafi átt 2 pró­senta hlut í Stund­inni þegar hann var kos­inn á þing árið 2016. Seldi hann hlut sinn í kjöl­far þess.

Eyþór situr enn í stjórn fyr­ir­tækja með net dótt­ur­fé­laga, þrátt fyrir lof­orð hans fyrir borg­ar­stjórn­ar­kosn­ingar 2018 um að draga sig úr við­skipta­líf­inu. Félag Eyþórs, Ramses II ehf., er stærsti ein­staki eig­andi Morg­un­blaðs­ins með rúm­lega 20 pró­senta hlut. Hann hefur ekki svarað ítrek­uðum fyr­ir­spurnum Stund­ar­innar vegna máls­ins.

Dóra Björt sagði að hana grun­aði að sann­leik­ur­inn í mál­inu væri svartur af því að Eyþór hefur ekki svarað af hvaða ástæðum lánið frá Samherja var afskrifað. Hún sagði Eyþór vera marg­saga í mál­inu og ekki koma heið­ar­lega fram.

„Þetta eru líka pen­ingar fengnir frá fyr­ir­tæki sem hefur bein­línis það hlut­verk að múta stjórn­mála­mönnum“

„Þetta er mjög vont mál allt saman og það er rosa­lega vont þegar stjórn­mála­maður hefur svo bein tengsl við svo stóran hags­muna­að­ila í okkar sam­fé­lagi,“ sagði Dóra Björt. „Nú kemur svo í ljós að það er ekki nóg með að hann er algjör­lega háður þarna mjög stórum hags­muna­að­ila. Þetta eru líka pen­ingar fengnir frá fyr­ir­tæki sem hefur bein­línis það hlut­verk að múta stjórn­mála­mönnum.“

Eyþór sagði Dóru Björt rugla honum saman sem per­sónu og félag­inu sem hann á. „Í öðru lagi finnst mér nú ósæmi­legt að segja að Samherji sé ein­hvers konar mútu­fé­lag, eins og mér heyr­ist hún vera að segja,“ sagði hann. „Það að Samherji hafi fengið fjár­mögnun frá öðru félagi sem er í ein­hverjum rekstri síðan og svo fram­vegis gerir ekki Samherja að ein­hvers konar félagi eins og hún lýsir. Við­skiptin voru á milli Samherja og félags í minni eigu.“

Eyþór sagð­ist ekki vera sá eini í borg­ar­stjórn sem á fjár­hags­legra hags­muna að gæta utan starfs síns sem borg­ar­full­trúi og bætti því við að selj­anda­lán væru algeng í áhættu­sömum við­skiptum. „Ef við eigum að fara í nýjar spurn­ingar gagn­vart mér þá á sama að gilda um aðra finnst mér. Þannig að ég segi eigum við ekki bara að klára þessar reglur sem var sam­þykkt fyrir ári síðan að gera, Dóra, um að auka upp­lýs­inga­gjöf­ina og láta það gilda um alla, en ekki fara í dylgjur gagn­vart mér og öðrum fyr­ir­tækjum.“