Val­gerður Guð­mundsóttir heldur úti blogg­síð­unni Eldhúsið hennar Völlu þar sem hún deilir fjöl­breyttum og bragð­góðum réttum úr aðgengi­legu hrá­efni. Í upp­á­haldi hjá henni er ofur­salat með kínóa. „Ég geri oft ríf­legt magn og hef sem nesti dag­inn eftir,“ segir hún.

- 1 bolli kínóa – 1 ½ bolli vatn – soðið sam­kvæmt leið­bein­ingum.
- 2-3 grill­aðar eða ofn­steiktar kjúklinga­bringur, einnig gott að rífa niður til­bú­inn kjúkling
- 2 – 3 lítið avocado skorið í ten­inga
- 3 tómatar skornir í ten­inga
- ½ rauð paprika, skorin í ten­inga
- Blað­laukur eftir smekk smátt skor­inn
- 1/3 krukka feta­ostur með sól­þurrk­uðum tómötum og örlítið af olí­unni
- Soðin sæt kartafla eftir smekk, í ten­ingum
- Nokkrar svartar ólífur, skornar í bita
- Ristaðar pek­an­hnetur, saxaðar 

Leiðbeiningar:

Setjið kínóa í pott og hellið vatni yfir. Setjið nokkur salt­korn með og látið suð­una koma upp, sjóðið í tíu mín­útur og slökkvið svo undir pott­inum. Hafið pott­inn áfram á hell­unni með lokið á og leyfið kínóanu að vera í svona 15 mín­útur. Ég tek svo lokið af pott­inum og helli kínóanu í stóra skál og kæli það aðeins. Það er líka mjög gott að sjóða rúm­legan skammt og eiga í ísskápnum.

Á meðan ég geri kínóað klárt finnst mér gott að ofn­steikja kjúklinga­bring­urnar eða jafn­vel steikja á pönnu með góðu kjúklinga­kryddi eða salti og pipar, allt eftir smekk. Þegar ég er að flýta mér finnst mér mjög gott að grípa með mér til­bú­inn kjúkling úr búð­inni og rífa bara niður.
Ég sker svo það græn­meti sem mig langar í og yfir­leitt það sem ég á í ísskápnum þannig það sem ég tel upp í upp­skrift­inni er ekk­ert heil­agt. Magn getur líka breyst og frá­bært að prófa sig áfram með teg­undir sem fjöl­skyld­unni þykja góðar. Best er að hafa þetta sem fjöl­breytt­ast.
Ég toppa yfir­leitt með smá hnetum og í þetta sinn ristaði ég pek­an­hnetur sem ég átti til og saxaði.