Íbúðalánasjóður hefur að undanförnu selt mörg hundruð íbúðir á landinu öllu og eru kaupendur í flestum tilfellum fyrirtæki sem ætla að einbeita sér að leigumarkaði. Fyrirtækið sem hefur verið hvað atkvæðamest í umræddum fasteignakaupum er fasteignafélagið Heimavellir en það hefur keypt jafnt og þétt af Íbúðalánasjóði frá því það var stofnað í janúar árið 2014. Eigendur félagsins eru sagðir 52 talsins en tveir af stærstu eigendum félagsins eiga það sameiginlegt að hafa hagnast á sölu fiskveiðikvóta og notið ríkisaðstoðar í landbúnaði. Þá á félag í skattaskjóli um 6,9% hlut í Heimavöllum og einn eigandinn spilaði lykilhlutverk í „Stím-málinu“ svokallaða þar sem fyrrverandi forstjóri Glitnis, Lárus Welding, var dæmdur í fimm ára fangelsi.
Kvótapeningar og ríkisaðstoð að baki einu sterkasta fasteignafélagi landsins
Fasteignafélagið Heimavellir á yfir 900 íbúðir í leigu á öllu landinu. Tveir af stærstu eigendum félagsins hafa hagnast umtalsvert á fiskveiðikvóta og ríkisstyrkjum í landbúnaði. Þá var einn af stærri eigendum félagsins lykilvitni í „Stím-málinu“ svokallaða.
Birtist upphaflega í Stundinni fyrir 10 árum.
Athugasemdir