Þessi grein birtist upphaflega í Stundinni fyrir meira en 8 árum.

„Ísland á að verða kolefnishlutlaust í síðasta lagi árið 2050“

Katrín Jakobsdóttir, formaður Vinstri grænna, hefur verulegar áhyggjur af því að ekki takist að stemma stigu við loftslagsbreytingum. Hún vill útrýma kynbundnum launamun og taka á móti fleira flóttafólki.

28. október 2016 13:00

Áslaug Karen Jóhannsdóttir

ritstjorn@heimildin.is

Katrín Jakobsdóttir, formaður Vinstrihreyfingarinnar – græns framboðs, segir vanda Íslands felast í því hvað samfélagið er lítið og mikið kunningjasamfélag. „Það býður upp á spillingu af ákveðnum toga,“ segir hún. „Mér finnst margt stjórnmálafólk vera fast í því að skilgreina spillingu út frá því hvað er löglegt eða ekki en spilling getur auðvitað verið margt annað en það sem felst í laganna bókstaf.“

Fimm stærstu stefnumál VG:

1. Við ætlum að auka jöfnuð í samfélaginu, til dæmis með því að stórefla heilbrigðiskerfið, menntakerfið og velferðarkerfið. Aðeins þannig getum við tryggt öllum jöfn tækifæri. Í velferðinni búa hin raunverulegu verðmæti venjulegs fólks og hún hefur verið vanrækt á þessu kjörtímabili. Svo má ekki gleyma því að alveg eins og öflugt efnahagslíf er undirstaða velferðar og mennta þá grundvallast öflugt atvinnulíf og sterkur efnahagur á öflugu mennta- og velferðarkerfi.

2. Það er forgangsverkefni að tryggja öldruðum og öryrkjum að lágmarksframfærsla þeirra sé ekki lakari en lágmarkslaun eins og við höfum ítrekað lagt til á þingi.

3. Við viljum stofna miðhálendisþjóðgarð og grípa til raunverulegra aðgerða til að sporna gegn hlýnun jarðar af manavöldun.

4. Við leggjum einnig áherslu á bæta stöðu ungs fólks, sem hefur dregist verulega aftur úr miðað við þá stöðu sem fyrri kynslóðir bjuggu við. Þetta kallar á margar aðgerðir sem taka meðal annars til húsnæðismála, fæðingarorlofs, endurskoðunar á LÍN og styrkingu menntakerfisins sem er auðvitað undirstaðan fyrir framtíðina og atvinnulíf sem byggist á þekkingu og nýsköpun.

5. Síðast enn ekki síst viljum efla lýðræðið í landinu og þar er fyrsta skrefið að ljúka vinnu við nýja stjórnarskrá sem hófst með þjóðfundinum 2010.

Vinstrihreyfingin – grænt framboð var stofnuð árið 1999 og sat fyrst í ríkisstjórn árin 2009 til 2013 með Samfylkingunni.

Katrín segir flokkinn að sumu leyti ekki hafa verið vel undirbúinn fyrir að taka þátt í ríkisstjórn árið 2009. „Því fylgdu ýmsir erfiðleikar sem við hefðum kannski átt að sjá betur fyrir,“ segir hún. Flokkurinn hlaut meðal annars gagnrýni fyrir að hafa samþykkt að hefja aðildarviðræður við Evrópusambandið. Aðspurð hvort henni þyki réttlætanlegt að stjórnmálaflokkur sem boði að ekki verði sótt um aðild að ESB sæki síðan um aðild þegar hann kemst til valda, segir Katrín: „Ég sagði mjög skýrt fyrir kosningarnar 2009 að ég teldi, þrátt fyrir andstöðu mína og

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Alþingiskosningar 2016

Greining

Saga sáttarstjórnar Katrínar Jakobsdóttur

Ríkisstjórn Katrínar Jakobsdóttur er eina þriggja flokka ríkisstjórnin til þess að lifa af heilt kjörtímabil. Ríkisstjórn þessi varð til í stormi stjórnmála og hún boðaði stöðugleika en spurningin er hvort hennar verður minnst sem stjórn stöðugleika eða sem stjórn málamiðlunar.

Fréttir

„Drullusama“ þótt stjórnmálamenn séu ranglega titlaðir skipulagsfræðingar eða stærðfræðingar

Helgi Hrafn setur gagnrýni á kollega sína í samhengi við umræðu um hvernig Sigmundur Davíð var titlaður doktor í skipulagsfræðum án þess að hann hefði lokið prófi.

PistillAlþingiskosningar 2016

Hallgrímur Helgason

Tröllin bakvið tjöldin

Hallgrímur Helgason um stjórnarslitin, leikrit íslenskra stjórnmála, gömlu tröllin og hagsmunina sem ráða öllu.

Fréttir

Fjölmiðlaeigendur styrktu Viðreisn um samtals tvær milljónir

Hluthafar í Hringbraut, Fréttatímanum sáluga og Kjarnanum styrktu Viðreisn á stofnári flokksins.

Fréttir

Benedikt fundaði með styrkveitendum Viðreisnar í miðjum stjórnarmyndunarviðræðum

Formaður Viðreisnar hitti forstjóra Brims og HB Granda og fundaði með þeim um sjávarútvegsmál daginn áður en hann átti frumkvæði að því að stjórnarmyndunarviðræðum við Vinstri græn, Pírata og Samfylkingu var slitið. Útgerðarfélögin veittu Viðreisn veglega styrki.

FréttirAlþingiskosningar 2016

Þingmaður Bjartrar framtíðar komin með 2,3 milljónir í laun sem kjörinn fulltrúi

Theodóra S. Þorsteinsdóttir, þingflokksformaður Bjartrar framtíðar, fær greitt fyrir tvö full störf sem kjörinn fulltrúi. Hún ætlar að draga úr, en halda áfram sem bæjarfulltrúi samhliða starfi þingmanns.