Pétur Jónsson hefur borðað marga góða rétti í gegnum tíð­ina en segir aðal­rétt­ina í lífi sínu alltaf verða þá sem hann gerir sjálfur og gefur öðrum að borða, því að þeir veiti honum mesta ánægju. „Ég er pínu­lítið eins og týpísk ítölsk mamma að því leyti, fátt gleður mig meira en að sjá fólk taka hraust­lega til matar síns,“ segir hann. Hér deilir hann nokkrum af þeim réttum sem hann hefur náð mestu valdi á, oft eftir alls konar til­raunir sem hafa endað mis­vel „eins og hjá öllum ástríðu­fullum heima­kokkum“. 

Carbonara

Ég bjó í Róm í nokkur ár, og þaðan tók ég með mér ást­ina á góðu Carbonara, ásamt almennum áhuga á ítal­skri mat­ar­gerð, sem síðan hefur fylgt mér.

MYND: PÉTUR JÓNSSON

Þetta er sára­ein­faldur réttur, en samt er lygi­lega ein­falt að klúðra honum ef tíma­setn­ing­arnar eru ekki réttar. En þegar vel tekst til er þetta ein­fald­lega æðis­legt. Ég nota linguine frá Frú Laugu, pancetta ef ég get fundið það, ann­ars gott beikon. Stíl­brotið frá ítölsku hefð­inni er að ég ber þetta gjarnan fram með sal­ati með góðri lime-vinegraittu, til að fá bjart­ari nótur með þessum ann­ars frekar þunga rétti.

Alma SólDóttir Péturs er líka lið­tæk í eld­hús­inu og er hér með pasta sem hún gerði sjálf. 

MYND: PÉTUR JÓNSSON