Kís­il­málm­verk­smiðja United Silicon í Helguvík hefur ítrekað farið á svig við starfs­leyfi og ekki til­kynnt um óhöpp og atvik sem hafa átt sér stað eins og lög og reglur gera ráð fyrir. Þetta kemur fram í bæði opin­berum eft­ir­lits­skýrslum og í tölvu­póst­sam­skiptum á milli stjórn­enda United Silicon og Umhverf­is­stofn­unar sem Stundin hefur undir höndum. Í þeim kemur meðal ann­ars fram að Umhverf­is­stofnun hafi skráð frá­vik frá starfs­leyfi í hverri ein­ustu eft­ir­lits­heim­sókn sem farin hefur verið í verk­smiðju United Silicon frá því þær hófust með fyr­ir­vara­lausu eft­ir­liti þann 17. nóv­em­ber síð­ast­lið­inn. Samkvæmt Umhverf­is­stofnun er frá­vik fram­kvæmd sem telst ekki í sam­ræmi við kröfur sem settar eru fram í starfs­leyfi, lögum og reglu­gerðum. Tólf slík frá­vik hafa verið skráð í umræddum eft­ir­lits­heim­sóknum en þá eru skrán­ingar á frá­vikum hjá öðrum eft­ir­lits­stofn­unum ótaldar.

Stundin hefur á und­an­förnum mán­uðum ítar­lega fjallað um kís­il­málm­verk­smiðju United Silicon í Helguvík, aðdrag­and­ann að bygg­ingu hennar, fram­kvæmdir við bygg­ingu verk­smiðj­unnar og við­skipta­sögu eig­and­ans, Magnúsar Garð­ars­sonar. Í síð­ustu umfjöllun Stund­ar­innar voru birt mynd­skeið sem starfs­menn sögðu sýna ólög­lega losun á vara­sömum efnum utan verk­smiðj­unnar. Þetta hafi verið gert í skjóli nætur og að þess­ari aðferð væri beitt í trássi við starfs­leyfi United Silicon.