Í hverju felst hamingjan?

Ham­ingjan felst í innri friði, ást, gleði og því að hafa fólkið sitt nærri sér.

Anna Þórunn Hauksdóttir, vöruhönnuðurog eigandihönnunarfyrirtækisins ANNA THORUNN

Hamingja fyrir mér er að hafa innri frið, elska sjálfa mig og fólkið mitt.

Ham­ingj­unni má líkja við tón­stiga sem hefur bæði háa og lága tóna en að velja að lifa skemmti­legu og inni­halds­ríku lífi er ákvörðun og ekki síður æfing.

Hvers­dags­lífið veitir mér mikla ham­ingju þar sem ég fæ að upp­lifa að vinna við það sem ég elska en það er að hanna. Ég er með­vituð um að njóta litlu hlut­ina í hvers­dags­leik­anum sem eru svo sjálf­sagðir en verða svo mik­il­vægir þegar eitt­hvað bjátar á. Ham­ingjan er að hafa góða heilsu og geta hreyft mig, fá að þroskast og efl­ast í því sem ég brenn fyrir ásamt því að eiga lífs­föru­naut sem er minn besti vinur gefur mér stað­festu og innri ham­ingju. Inni­halds­rík sam­töl og að vera til staðar fyrir aðra er hluti af minni ham­ingju. Þegar ég dvel í þakk­læti þá finn ég sanna ham­ingju og það besta er að það er alveg ókeypis, rétt eins og fal­legt bros út í heim­inn.


Ari Trausti Guðmundsson alþingismaður

Ham­ingjan er hug­ar­á­stand sem helg­ast af stund og stað, fólki og manns eigin líðan.

Ham­ingjan getur verið langæ eða skamm­vinn.

Fyrir henni er engin upp­skrift, á henni eng­inn skýr­an­legur mæli­kvarði og til hennar aðeins per­sónu­leg við­mið.

Þess vegna kemst ég ekki nær en þetta til svars við spurn­ing­unni.


Hendrikka Waage skartgripahönnuður

Ham­ingjan  fyrir mér er að vera sáttur í eigin skinni. Við getum einnig sagt að ham­ingjan sé hug­ar­far. Mér finnst einnig mjög mik­il­vægt að finna ástríðu sína og vinna við hana því hún veitir manni bæði ham­ingju og gleði. Ham­ingjan er til­finn­ing sem kemur þegar maður hefur full­nægt þörfum sínum. Það gefur manni ein­hverja sér­staka innri fyll­ingu. Við þurfum heldur ekki alltaf að vera á þeyt­ingi. Að vera með sjálfum sér í þögn­inni er æðis­legt og getur gefið manni ham­ingju. Það veitir manni ham­ingju að vera kær­leiks­ríkur og gefa af sér og aðstoða aðra.


Lilja Sigurðardóttir rithöfundur

Ég er oft mjög glöð og það er margt sem veitir mér gleði og þá helst fólkið í lífi mínu og dýrin í lífi mínu. Ég er líka oft­ast mjög glöð með vinn­una mína, ég hef inni­lega gaman af því að skrifa og finnst líka fremur gaman að kynna bæk­urnar mínar, bæði hér heima og erlendis. En það sem ég held að ham­ingjan sé er þegar ég er í tærustum tengslum við sjálfa mig og það er oft úti í nátt­úr­unni, ein­hvers staðar í nálægð við vatn eða tré eða hund og finn ein­hverja rósemd fylla hjartað. Svo ég held að ham­ingjan sé fremur fín­gerð og hæg­lát til­finn­ing sem lætur oft lítið yfir sér, svo lítið að maður tekur ekki alltaf eftir henni.


Steinunn Birna Ragnarsdóttir óperustjóri

Ham­ingjan er heima­til­búin í réttum hlut­föllum við hvernig unnið er úr áskor­unum og hvernig til tekst að láta gott af sér leiða. Hún getur birst í ógleym­an­legum augna­blikum tengdum ást­inni, listum eða nátt­úru­feg­urð, en ef hún á að vera ferða­fé­lagi til lengri tíma þarf maður að vanda sig við eig­in­lega allt sem maður gerir, bæði stórt og smátt. Ham­ingjan er ásetn­ingur og teng­ing við til­gang­inn eins og hver og einn skil­greinir hann og að missa ekki sjónar af honum þótt á móti blási. Að vera heil­steyptur með mennsk­una að leið­ar­ljósi, rækta með sér þakk­læti og skapa sér til­efni til þess að hlakka til. Það er ham­ingjan.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Hamingjan

Hamingjan

Fjall­göngur veita ham­ingju

Jóhanna Fríða Dalkvist segir að sér finn­ist að fólk geti ekki alltaf verið „sky high“; það sé ekki ham­ingjan að vera alltaf ein­hvers staðar á bleiku skýi. Hún segir að fólk þurfi að kunna og ákveða hvernig það ætli að bregð­ast við ef það finnur fyrir óham­ingju. Það þurfi að ákveða að vinna sig út úr því og tala um hlut­ina. Fjall­göngur hjálp­uðu Jóhönnu Fríðu í kjöl­far sam­bands­slita á sínum tíma og síðan hefur hún gengið mikið á fjöll og er meira að segja farin að vinna sem far­ar­stjóri í auka­vinnu.
Hamingjan

„Ég þurfti að sam­þykkja sjálfa mig fyrir það sem ég er“

Ingileif Frið­riks­dóttir var góð í að fela það hvernig henni leið í æsku. Um ára­bil var hún skot­spónn bekkj­ar­fé­laga sinna og upp­lifði sig eina þótt hún ætti vin­konur. Hún þorði ekki að koma út úr skápnum en til að losna við til­finn­inga­doð­ann varð hún að horfa í spegil og finna sjálfa sig. „Það var risa­stórt og ótrú­lega ógn­væn­legt skref,“ segir Ingileif sem er nú ham­ingju­sam­lega gift. Fjöl­skyldan er henni allt.

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár