Gunnar Smári Egilsson, formaður framkvæmdastjórnar Sósíalistaflokks Íslands og oddviti hans í Reykjavíkurkjördæmi norður í komandi kosningum, sendi í gær kvörtun til umboðsmanns Alþingis vegna framkvæmdar á utankjörfundaratkvæðagreiðslu sem nú stendur yfir. Hann telur að framboð Sósíalistaflokksins njóti ekki jafnræðis við kynningu á kjörstað.
Tilefnið er að kjósandi leitað til Sósíalistaflokksins eftir að hann hugðist kjósa utan kjörfundar hjá Sýslumanninum á höfuðborgarsvæðinu í Kópavogi, en að starfsmaður embættisins hafi sagt honum að það væri ekki kominn listabókstafur fyrir Sósíalistaflokkinn.
Í kvörtun Gunnars Smára segir að við eftirgrennslan hafi fengist þær upplýsingar að þegar kjósandi komi til að kjósa hjá sýslumanninum á höfuðborgarsvæðinu fái hann að skoða blað með listabókstöfum þar sem listabókstafur Sósíalistaflokksins sé aðgreindur frá listabókstöfum flokka sem buðu fram síðast með smáum texta og útskýringum sem gefi til kynna að framboð Sósíalistaflokksins sé í öðrum flokki en hinna.
Gunnar Smári hafði samband við dómsmálaráðuneytið vegna málsins sem svaraði því til að ráðuneytið hefði átt samtal við sýslumanninn á höfuðborgarsvæðinu sem „hafnar því að það verklag sem þú lýsir í tölvupóstinum hér að neðan sé viðhaft.“
[adspot]Sigríður Kristinsdóttir, sýslumaður á höfuðborgarsvæðinu, sagði í samtali við Vísi í gær að um misskilning kjósandans væri að ræða og að starfsmaður embættisins sem átt hafi í samskiptum hans kannist ekki við að hafa gefið þær röngu upplýsingar sem hann var vændur um. Sigríður benti auk þess á að kjósandinn gæti kosið aftur ef hann vildi, en fólk sem kýs utan kjörfundar má kjósa eins oft og það vill. Síðasta greidda atkvæðið gildir einfaldlega þegar talið er upp úr kjörkössunum.
Í svari dómsmálaráðuneytisins við erindi Gunnars Smára sagði að hægt væri að kvarta yfir stjórnsýslu sýslumanns til umboðsmanns Alþingis. Það gerði hann í gær.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Ásmundur Einar Daðason staðið sig best allra ráðherra – Bjarni Benediktsson langverst
Samfylkingin ekki stærri hjá Gallup í tólf ár en Vinstri græn hafa aldrei mælst minni
42,1 prósent innflytjenda greiddu atkvæði í síðustu alþingiskosningum
Allir formenn stjórnarflokkanna tapað umtalsverðu trausti á kjörtímabilinu
Tíð ríkisstjórnarskipti og kórónuveiran hafa stóraukið nýtingu fjáraukalaga
Athugasemdir