Smitum fjölgað um tæplega 90 á einum sólarhring

Staðfest smit af kór­ónu­veirunni eru nú orðin 737 hér á landi. Í gær voru þau 648 og hefur þeim því fjölgað um 89 á einum sól­ar­hring. Í dag eru 9.013 manns í sótt­kví en í gær var fjöld­inn 8.205.

Tæplega 2.200 manns hafa lokið sótt­kví.

Nú liggja 11 á sjúkra­húsi vegna COVID-19 sjúk­dóms­ins. Á síð­unni Covid.is kemur fram að 56 hafi náð sér af sjúk­dómnum. Flest smitin eru svokölluð inn­an­lands­smit. Smit af óþekktum upp­runa eru 194.

Nú hafa flest smit greinst í ald­urs­hópnum 40-49 ára eða 182. Hjá hópnum 50-59 ára hafa 136 smit verið greind og 128 hjá fólki á aldr­inum 30-39 ára.

Fleiri sýnatökur í gær en fyrradag

Í dag hafa 11.727 sýni verið tekin frá upp­hafi far­ald­urs­ins. Síðasta sól­ar­hring­inn voru 967 sýni tekin, 460 hjá Íslenskri erfða­grein­ingu og 507 hjá sýkla- og veiru­fræði­deild Land­spít­al­ans.

Færri sýni hafa verið tekin síð­ustu daga vegna yfir­vof­andi skorts á sýna­tökupinnum sem nauð­syn­legir eru til rann­sókn­anna. Sýna­tökupinnar sem stoð­tækja­fyr­ir­tækið Össur á á lager og til skoð­unar var að nota við sýna­tökur vegna nýju kór­ónu­veirunnar reynd­ust ekki upp­fylla örygg­is­kil­yrði.

Enn er því beðið eftir send­ingu af pinnum að utan.

[adspot]

Þórólfur Guðnason sótt­varna­læknir hefur varað við því að draga of miklar álykt­anir af tölum smita dag frá degi. Á mánu­dag greindust t.d. aðeins 20 smit. Í dag eru þau tæp­lega nítíu. Fleiri sýni voru tekin í dag en þrjá dag­ana þar á undan og nú er Íslensk erfða­grein­ing aftur farin að taka sýni. Aðeins eitt smit greind­ist þar af um 460 sýnum sem voru tekin í gær og morgun.

Ýmislegt getur skýrt sveiflu í stað­festum smitum milli daga, m.a. fjöldi sýna­taka. Þá getur fámennið og mögu­leg hópsmit einnig haft áhrif á töl­urnar.

Þórólfur hefur á upp­lýs­inga­fundi almanna­varna und­an­farið sagt að far­ald­ur­inn sé í vexti og að það hafi verið við­búið á þessum tíma­punkti.

[links]Samkvæmt spálík­ani sem upp­fært var í fyrra­dag er búist er við því að fyrir lok apríl hafi lík­lega um 2.500 manns á Íslandi verið greindir með COVID-19, en talan gæti náð tæp­lega 6.000 manns sam­kvæmt svart­sýn­ustu spá.

Af þeim sem greinst hafa með Covid-19 á Íslandi eru tvö látin. Á mánu­dag lést rúm­lega sjö­tug kona á Land­spít­al­anum. Hún hafði und­ir­liggj­andi sjúk­dóm. Konan er fyrsti Íslend­ing­ur­inn sem deyr úr COVID-19. Fyrir rúmri viku lést ástr­alskur ferða­maður á heil­brigð­is­stofnun Norð­ur­lands á Húsavík.