Fjármála- og efnahagsráðuneytið tilkynnti í dag að ný eigendastefna fyrir fjármálafyrirtæki í eigu ríkissjóðs hafi tekið gildi eftir að hún hafi verið samþykkt af ríkisstjórn. Í tilkynningunni segir að markmið stefnunnar séu að tryggja góða og fyrirsjáanlega stjórnarhætti fjármálafyrirtækja.
Um er að ræða uppfærða eigendastefnu fyrir fjármálafyrirtæki í eigu ríkisins, en fyrsta stefnan var sett fram árið 2009. Í ljósi stöðu þeirrar tíma var markmið þeirrar stefnu því að byggja upp almennt traust á stjórn og starfsemi ríkisrekinna fjármálafyrirtækja, samkvæmt ráðuneytinu.
Stefnan gildir fyrir fjögur fyrirtæki: Landsbankann, Íslandsbanka, Arion banka og Sparisjóð Austurlands.
Stefnt er að því að ríkissjóður eigi 34-40% eignarhlut í Landsbankanum til langframa í því skyni að „stuðla að stöðugleika í fjármálakerfi landsins og tryggja nauðsynlega innviði þess“.
Á hinn bóginn er stefnt að því að selja allan eignarhlut ríkisins í Arion banka þegar hagfelld og æskileg skilyrði eru fyrir hendi. Salan muni að öllum líkindum eiga sér stað í tengslum við sölu meirihlutaeigandans og skráningu bankans á hlutabréfamarkað.
Einnig stendur til samkvæmt stefnunni að selja allan hlut ríkisins í Íslandsbanka þegar nægileg skilyrði eru fyrir hendi. Arðgreiðslum og söluandvirði bankans skuli ráðstafað til niðurgreiðslu skulda ríkissjóðs, samkvæmt stefnunni.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.













































Athugasemdir