Hryðjuverkasamtökin Íslamska ríkið hafa lýst árásinni í Brussel á hendur sér. Að minnsta kosti 34 eru látnir og 200 særðir eftir hryðjuverkin í morgun og varar forsætisráðherra Belgíu, Charles Michel, við frekari árásum.
RÚV greinir frá því að ríkislögreglustjóri hafi í samráði við lögreglustjórann á Suðurnesjum ákveðið að efla viðbúnað og viðveru vopnaðra lögreglumanna á Keflavíkurflugvelli eftir hryðjuverkin. Sérsveit ríkislögreglustjóra mun veita lögregluliðinu á flugvellinum aðstoð sína.
Búið er að birta myndir af ódæðismönnunum úr brottfararsal Zavantem flugvallarins, sem sprengdu sig í loft upp í tveimur sprengingum um klukkan 8 að staðartíma í morgun. Ósprungið sprengjubelti fannst á vellinum.
Tvær sprengingar, sem taldar eru hafa verið sjálfsmorðssprengjuárásir, urðu í brottfararsal Zavantem flugvellinum í Brussel um klukkan 8 að staðartíma í morgun, nálægt innritunarborði American Airlines. 14 létust í þeirri árás og um hundrað særðust. Stuttu síðar var þriðja sprengjan í neðanjarðarlestakerfi Brussel, þar sem að minnsta kosti 20 létust og yfir hundrað særðust, þar af margir lífshættulega.
Bretar hafa aukið viðbúnaðarstig í landinu. Útgöngubanni hefur verið lýst yfir í Brussel og eru allar samgöngur og opinberar byggingar lokaðar. Þjóðarleiðtogar hafa send Belgíu samúðarkveðjur og lýst yfir stuðningi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir